Araw-araw ng Debosyon kasama si Greg LaurieHalimbawa

Ang mga Panalangin ni Jesus

Subukang ilarawan na gumugugol ka ng oras kasama si Jesus at bigla Niyang sabihin sa iyo ang, "Siyanga pala, may hiling ang diyablo patungkol sa iyo mismo."

"Ang diyablo? Ang ibig mong sabihin... Si Lucifer mismo?"

"Oo. Tama ka."

Iyan ang nangyari kay Pedro. Siya at ang ibang mga alagad ay katatapos pa lamang magdiwang ng Huling Hapunan kasama ni Jesus nang inilahad Niya ang pahayag na ito sa kanila: “Sa gabing ito, ako'y iiwan ninyong lahat, gaya ng sinasabi sa Kasulatan, ‘Papatayin ko ang pastol at magkakawatak-watak ang mga tupa.’ Ngunit pagkatapos na ako'y muling mabuhay, mauuna ako sa inyo sa Galilea." Mateo 26:31-32).

Ngunit sumagot si Pedro, "Kahit na po kayo iwan ng lahat, hindi ko kayo iiwan." (v.33).

Ang sabi naman ni Jesus sa madaling salita ay, "Nabanggit mo na rin lang, Bato, may sasabihin rin ako sa iyo. Bago tumilaok ang manok, tatlong beses mong ikakaila na kilala mo Ako. At makinig ka sa sasabihin ko, Pedro: Labis-labis ang paghiling ni Satanas na alisin ka sa pag-iingat at pagtatanggol ng Diyos."

Ang mabuting balita ay ipinapanalangin ni Jesus si Pedro. At si Jesus ay nananalangin para sa iyo. Sabi sa Roma 8:34, "Sino ang hahatol na sila'y parusahan? Si Cristo Jesus na pinatay, ngunit higit sa lahat ay muling binuhay, ngayon ay nasa kanan ng Diyos upang mamagitan para sa atin." Si Jesus ay kakampi mo. Siya ay namamagitan para sa iyo.

Sabi ng komentarista ng Biblia na si Robert Murray McCheyne, "Kung aking maririnig si Jesus na nananalangin para sa akin sa katabing silid, hindi ako matatakot kahit sa isang milyong kaaway. Ngunit walang kaso ang distansya. Nananalangin Siya para sa akin."

Kung hindi dahil sa mga panalangin ni Jesus, tiyak akong matatalo. Ikaw rin.
Buod na pangungusap: Si Jesus ay nananalangin para sa iyo ngayon mismo!

Karapatang maglathala © 2012 ng Harvest Ministries. All rights reserved.

Ang orihinal na teksto ng gabay na ito ay gumagamit ng Holy Bible, New Living Translation, karapatang maglathala 1996, 2004. Ginamit nang may pahintulot ng Tyndale House Publishers, Inc., Wheaton, Illinois 60189. All rights reserved.

Samantalang ang salin na ito sa Filipino ay gumagamit ng Rtpv05