Bid God Se Waarheid Oor Jou VreseVoorbeeld

Wie is God?

Behalwe dat ons vrae vir God het, het ons God self ook al bevraagteken, nie waar nie? Ons glo dat God alles kan doen, enigiemand kan genees en verhoudings herstel — maar waarom doen Hy dit nie? Dis dan wanneer ons op die waarheid oor God moet staan. 

Gebed vir Vandag

Vader, ek sal met my hele hart op U vertrou en nie staat maak op my eie insig nie. Ek sal U ken in alles wat ek doen en U sal my die regte pad laat loop. Slegs U weet wat goed is vir my, want U paaie is beter as myne en U gedagtes is hoër as myne. Sonder geloof is dit onmoontlik om U te behaag, dus sal ek U aangesig soek en glo dat U dié beloon wat na U soek. Vader, U noem my geseënd, want sonder om te sien, glo ek. U kom altyd u beloftes na en U verander nooit. U is my veilige vesting, my Hulp, my Krag en my Beskermer. U is magtig, geklee in majesteit, kragtig, U het meegevoel met my, U is geduldig en stadig om kwaad te word en U het my in oormaat lief. U het die hemele geskape, die droë land gevorm en U is bekend deur al die geslagte heen. U sluimer of slaap nooit en hou wag oor my lewe. U het my gevorm, U het die sterre getel en noem hulle elkeen op hulle naam. U is die Alfa en die Omega, die Begin en die Einde, die Eerste en die Laaste en daar is niemand soos U nie.