YouVersion Privaatheidsbeleid

Laas op 2 April 2022 gewysig

Soos aangedui in die beleid hieronder, sal die Engelse weergawe van die Privaatheidsbeleid en Gebruiksvoorwaardes, die amptelike weergawe van jou verbintenis met YouVersion wees. Jy kan ook 'n outomatiese vertalingsplatform soos Google Translate gebruik om die dokumente in jou eie taal te lees. Enige toekomstige hersiene vertalings sal op hierdie blad geplaas word.


Belangrik: lees asseblief eers hier.

Ons lewens is gevul met familie, werk, sosiale afsprake en nog meer. Die meeste van ons maak staat op slimfone en ander digitale toestelle om ons te help om ons daaglikse verpligtinge te bestuur en in verbinding te bly.

In 2006 was Life.Church 'n dinamiese, aktiewe geloofsgemeenskap en het aan maniere begin dink hoe ons mense kon help, om deur middel van opkomende tegnologieë, die Bybel te kon ervaar, wat tot verandering in hul lewens sou lei. Dit het ons gelei om die YouVersion Bybeltoep te skep, een van die eerste 200 gratis toeps in Apple se Toepwinkel, wat in 2008 vrygestel is.

Namate al hoe meer mense YouVersion begin gebruik het, het ons die waarde daarvan besef om mense te help om hul geloof in 'n gemeenskap te bou, met die gesamentlike doel om in 'n veilige omgewing aan hulle verhouding met God te werk.

YouVersion is veel meer as net 'n elektroniese toepassing waarmee jy die Bybel op jou foon kan lees. Elke produk en diens wat ons verskaf, ontwikkel ons met groot sorg en met spesifieke redes en ons ontwerp elke funksie om jou te help om 'n hegter verhouding met God na te streef en om jou geloofsvrae in 'n veilige ruimte te ondersoek, alles binne die konteks van 'n betroude gemeenskap van jou keuse. Jy kies waartoe jy toegang wil hê. Jy kies wat jy deel. Jy kies met wie jy inligting deel. Jou data is joune. YouVersion verkoop nie jou inligting nie, en ons sal dit ook nie met ander sonder jou toestemming deel nie.

Elke deel van YouVersion wat ons aanbied, is heeltemal gratis, sonder om iets terug te verwag en sonder eninge advertensies: gratis vir individuele gebruikers en gratis aan ons Bybel- en inhoudvennote. Hoe kan ons dit doen? As 'n digitale sending van Life.Church word YouVersion grootliks uit Life.Church se algemene begroting ondersteun en ook deur bydraes van individuele gebruikers wat wil deelneem aan ons sending om mense te help om tegnologie te benut om die Bybel te ervaar en te sien hoe lewens verander word.

Lees asseblief hierdie Privaatheidsbeleid aandagtig deur, want dit verduidelik hoe ons jou persoonlike inligting insamel, gebruik, deel en verwerk.

Kort Oorsig

Deur toegang tot YouVersion te verkry, stem jy in tot hierdie Privaatheidsbeleid en sy bepalings en stem in dat jou data na die Verenigde State oorgedra en verwerk word. Jou gebruik van YouVersion word ook deur ons Gebruiksbepalingsbeheer. Lees asseblief daardie terme ook noukeurig.

Hier is 'n opsomming van wat jy kan verwag om in ons Privaatheidsbeleid te kry. Dit sluit al die produkte en dienste met die YouVersion handelsmerk in:

Hoe ons jou data gebruik om jou YouVersion-ervaring meer persoonlik te maak.

Hierdie Privaatheidsbeleid dui die soort data aan wat ons uit jou interaksie met YouVersion insamel, asook hoe ons daardie data verwerk om jou YouVersion-ervaring te verbeter. Wanneer jy 'n YouVersionrekening skep, of enige van ons toepassings op die webtuistes gebruik, word die inligting wat ons insamel slegs gebruik om vir jou 'n persoonlike ervaring te gee.

Jou privaatheid word beskerm.

Ons neem die privaatheid van die inligting wat jy verskaf, en wat ons insamel, ernstig op, en ons tref die nodige veiligheidsmaatreëls om jou data te beskerm soos dit hieronder bespreek word. Ons deel nie jou persoonlike, identifiseerbare data met enige derdeparty adverteerders of advertensienetwerke, vir derdeparty adverteringsdoeleindes nie.

Dit is jou ervaring.

Jy het keuses hoe Life.Church jou persoonlike inligting verkry, versamel, deel en stoor, wat hieronder bespreek word. Jy sal keuses maak oor ons gebruik en verwerking van jou inligting wanneer jy die eerste keer by YouVersion betrokke raak, wanneer jy by sekere YouVersion-funksionaliteit inskakel en jy kan ook sekere keuses maak in die instellingskieslys van jou YouVersion-lidmaatskaprekening of by https://www.bible. com/settings.

Ons verwelkom jou vrae en kommentare.

Ons verwelkom enige vrae en kommentare wat jy oor ons Privaatheidsbeleid en privaatheidsfunksies mag hê. As jy enige vrae of kommentare het, kan jy ons per pos kontak by Life.Church, Attn.: YouVersion Support, 4600 E. 2nd St., Edmond, Oklahoma 73034, of 'n e-pos stuur na help@youversion.com.

Waar YouVersion hierdie Privaatheidsbeleid in 'n ander vertaling as Engels aan jou beskikbaar gestel het, stem jy in dat dit slegs vir jou gerief is en dat die Engelse weergawe die bepalende Privaatheidsbeleid is, wat jou verbintenis met YouVersion aan betref. Indien daar verskille tussen die Engelse weergawe en die vertaalde weergawe is, sal die Engelse weergawe voorrang geniet.


Definisies

Om hierdie dokument makliker leesbaar te maak, gaan ons deurgaans verkorte terme gebruik. Byvoorbeeld, wanneer ons "YouVersion" sê, praat ons oor:

YouVersion se produkte word besit en beheer deur Life.Church Operations, LLC, waarna ons verder in hierdie beleid sal verwys as "Life.Church", "ons" of "ons s'n". Ons laat ongeregistreede gebruikers toe om YouVersion te gebruik, wat ons "Besoekers" noem en geregistreerde gebruikers, wat ons "Lede" noem. Wanneer ons in hierdie beleid na altwee verwys, sal ons die woord "Gebruikers" of "jy" gebruik.

Die Inligting Wat Ons Insamel en Hoe Ons Dit Doen

Die inligting wat ons versamel hang af van die dienste en funksionaliteit wat jy versoek. Jy kan weier om persoonlike inligting met ons te deel; dit kan egter ons vermoë belemmer om sekere dienste of funksionaliteit aan jou te verskaf. Die persoonlike inligting wat ons versamel en die doel waarvoor ons daardie inligting gebruik, word hieronder beskryf.

Persoonlike inligting wat jy aan ons verskaf.

Jy hoef nie in te teken vir 'n lidmaatskaprekening om YouVersion te gebruik nie. Lidmaatskap stel ons egter in staat om YouVersion aan te pas om 'n meer persoonlike ervaring te wees. Om 'n YouVersion-lidmaatskaprekening te skep, vereis ons dat jy 'n voornaam, van en 'n geldige e-posadres verskaf. Ons sal hierdie inligting gebruik om jou met jou spesifieke YouVersion-lidmaatskaprekening te assosieer. Nadat jy 'n YouVersion-lidmaatskaprekening geskep het, kan jy ook kies of jy jou geslag, ouderdom, webwerf, beskrywing van jou ligging, 'n kort biografie, 'n profielfoto en ander inligting soos Gebruikerbydraes (hieronder gedefinieer) wil verskaf. Al hierdie inligting, indien verskaf, sal met jou rekening geassosieer word totdat jy jou rekening uitwis of 'n versoek rig dat die inligting uitgewis word soos hieronder beskryf.

Behalwe die persoonlike inligting wat ons insamel as jy 'n rekening skep, het jy ook keuses oor die ekstra inligting wat jy verskaf. Ons samel persoonlike data in as jy dit aan YouVersion gee, plaas of oplaai. Jy hoef nie hierdie inligting te gee nie, maar as jy dit nie doen nie, beperk dit ons vermoë om YouVersion te verpersoonlik en jou vermoë om YouVersion ten volle te gebruik. Hier onder bespreek ons die spesifieke funksies waarvoor YouVersion jou inligting nodig het en verwerk.

Jou gebruikersbydraes.

YouVersion laat gebruikers toe om sekere inhoud aanlyn te plaas, te versprei en te vertoon (ons verwys daarna as "geplaas" en die inhoud as "plasings"). Plasings kan op openbare areas van YouVersion gemaak word, webwerwe en sosiale media-rekeninge waartoe jy toegang verkry deur YouVersion, of oorgedra word aan ander gebruikers van YouVersion of derdepartye waarmee jy kies om op YouVersion of ander platforms of dienste kontak te maak. Dit sal byvoorbeeld insluit om kommentaar te lewer op 'n vriend se plasing of om 'n versbeeld te skep en te deel. YouVersion laat jou ook toe om sekere inhoud te skep wat in jou rekening in stand gehou word, soos 'n nota of boekmerk van 'n Bybelvers, waarvan jy sommige ook kan plaas om aan ander te verskaf. Ons sal al die inhoud wat deur jou geskep is, of dit nou geplaas is of nie, "Gebruikerbydraes" noem.

Jou gebruikersbydraes word deur ons verwerk om jou vermoë te vergemaklik om die gebruikersbydraes te skep, te gebruik, te stoor en te versprei soos jy verkies. Ons sal jou gebruikersbydraes met jou rekening assosieer solank jy kies om dit nie uit te wis nie. Hou asseblief in gedagte dat indien jy persoonlike inligting op 'n openbare wyse beskikbaar maak, hetsy deur samewerkende plasings, op sosiale media, bulletinborde of ander openbare aanlynforums, kan hierdie inligting deur ander versamel en gebruik word. Gebruikersbydraes word so op eie risiko geplaas en oorgedra. Ons kan nie die optrede van ander gebruikers of derdepartye beheer met wie jy kies om jou gebruikersbydraes te deel nie. Daarom kan ons nie en sal ons nie waarborg dat jou gedeelde gebruikersbydraes nie deur ongemagtigde persone gesien sal word of op 'n ongemagtigde manier gebruik word nie, en ons aanvaar ook geen aanspreeklikheid wat verband hou met jou gebruikersbydraes nie.

Donasies en Skenkings.

Sou jy kies om 'n vrywillige donasie deur YouVersion of 'n derdeparty webwerf wat aan YouVersion gekoppel is, te maak, dan en slegs dan, sal jy gevra word om jou kredietkaart-, bankrekening- of ander betalingsinligting te verskaf wat nodig is om die transaksie te verwerk. Indien jy dit verskaf, sal ons die plek waarnatoe die skenking moet gaan, sowel as persoonlike inligting soos jou naam, adres, land, foonnommer en/of e-posadres versamel, om te verseker dat jou donasie gebruik word vir die doel waarvoor jy versoek het, en om vir jou 'n "Jaarlikse Donasiestaat" te gee wat die donasie(s) vir belastingdoeleindes of vir jou persoonlike gebruik aandui. Ons sal nie finansiële inligting stoor of verwerk wat jy aanlyn verskaf vir die doel om te skenk nie. Vanaf die datum van hierdie Beleid, gebruik ons Stripe of Paypal om jou aanlyn donasiebetalings te verwerk. Vir inligting oor hoe hierdie derdeparty jou inligting verwerk, verwys asseblief na hulle privaatsheidsbeleide, wat jy hier kan kry: https://stripe.com/privacy; https://www.paypal.com/us/webapps/mpp/ua/privacy-full.

Kommunikasie van jou aan ons.

Ons versamel inligting oor jou wanneer jy boodskappe aan ons stuur, boodskappe van ons ontvang of in gesprekke met ons betrokke raak, insluitend wanneer jy persoonlike inligting of versoeke per e-pos stuur na help@youversion.com of deur die webwerf help.youversion.comkommunikeer. Ons behou en gebruik daardie kommunikasie om jou navrae te verwerk, op jou versoeke te reageer en om ons dienste en die van YouVersion te verbeter. As jy 'n lid is, sal ons jou kommunikasie aan ons verbind met jou rekening so lank as wat jou lidmaatskap aktief is.

Outomatiese Data-insamelingstegnologieë

Deur in te stem tot ons Privaatheidsbeleid, stem jy in tot die gebruik van webkoekies en soortgelyke tegnologieë (byvoorbeeld webbakens, pixels, merkers en toestel-identifiseerders, waarna ons gesamentlik verwys as "koekies") soos beskryf in hierdie beleid. As jy YouVersion gebruik sonder om jou webblaaier of toestelinstellings te verander om koekies te deaktiveer, sal ons aanvaar dat jy instem om alle koekies te ontvang wat deur YouVersion verskaf word.

"Koekies" en ander soortgelyke tegnologieë.

Dit is belangrik om kennis te neem dat ons NIE koekies of soortgelyke tegnologieë gebruik om belangstelling gebaseerde advertensies vir derdeparty-goedere of -dienste te fasiliteer nie.

Ons gebruik koekies om jou en/of jou toestel(e) op, af en regoor die verskillende toepassings van YouVersion te herken. Koekies help om aan jou die beste moontlike gebruikerservaring van YouVersion te gee, aangesien dit ons toelaat om jou te herken en jou gebruikersvoorkeure van sessie tot sessie te handhaaf, dit help ons om jou rekening veilig te hou en oor die algemeen die funksionaliteit van die produkte en dienste te verbeter wat deur YouVersion aangebied word. Hulle help ons ook om te verseker dat lede se inligting met die korrekte lidmaatskaprekening verbind word.

Ons gebruik koekies om besonderhede van jou benutting van YouVersion te versamel (insluitend verkeersdata, IP-liggingdata, logboeke, webblaaiertipe, webblaaiertaal, die funksionaliteit wat versoek word en die tydsberekening van jou versoeke), asook ander kommunikasiedata en die hulpbronne waartoe jy toegang het, wat jy gebruik en skep op of deur YouVersion. Ons gebruik hierdie inligting om 'n pasgemaakte YouVersion-ervaring vir jou te verskaf en om meer effektief met jou te kommunikeer. Die inligting word ook versamel om saamgestelde data van unieke toestelle te bepaal wat YouVersion en/of dele van YouVersion gebruik, tred te hou met totale gebruik, gebruiksdata te ontleed en YouVersion-funksionaliteit vir alle gebruikers te verbeter. Ons kan hierdie inligting kombineer om jou 'n beter ervaring te bied en om die kwaliteit van ons diens te verbeter.

Ons hou gewoonlik die data wat ons van koekies versamel vir 21 dae in stand, maar kan dit vir 'n langer tydperk stoor waar nodig, soos wanneer dit deur die wet vereis word of om tegniese redes. Alhoewel die meeste webblaaiers koekies by verstek aanvaar, kan individue koekies deur hul webblaaierinstellings en soortgelyke nutsmiddele beheer of koekies heeltemal weier. As jy weier om koekies te aanvaar, kan jy dalk nie toegang tot sekere dele van YouVersion kry nie, en sal jy ons verhinder om die volle vermoë van YouVersion aan jou te lewer. Hierdeur kan jy die gebruik van sekere funksies en dienste verhoed wat hierdie tegnologie vereis.

Life.Church kan nie ander webtuistes, inhoud of toepassings wat gekoppel is aan of in YouVersion verskaf word, beheer nie. Dit sluit verskeie ander webtuistes en dienste in wat deur derdepartye, soos jou toestel se vervaardiger en jou mobiele diensverskaffer aangebied word. Hierdie derdeparty kan hulle eie koekies of ander lêers op jou rekenaar plaas, data insamel of persoonlike inligting van jou aanvra. Die inligting wat hulle insamel mag met jou persoonlike inligting geassosieer word of hulle kan die inligting, insluitende persoonlike inligting, oor jou aanlyn aktiwiteite oor 'n periode en verskillende webtuistes en toepassings en ander aanlyn dienste versamel. Hierdie derdepartye mag jou inligting gebruik om vir jou belangstellings-gebaseerde inhoud (gewoontes) te verskaf. Ons beheer nie hierdie derdeparty opsporingstegnologieë of hoe hulle mag gebruik word nie. As jy enige vrae hieroor het, moet jy die verantwoordelike diensverskaffer direk kontak.

Toeskrywing verskaffers.

Ons adverteer YouVersion op derdeparty webwerwe soos Facebook en Google en gebruik derdepartye se programmatuurstelle ("SDK's") om dit moontlik te maak om YouVersion by die advertensie af te laai wat op die derdeparty se webwerf geplaas word. Ons verkoop nie jou persoonlike inligting aan enige derde partye nie en laat ook nie ons SDK-diensverskaffers toe om jou persoonlike inligting aan derdepartye te verkoop of jou persoonlike inligting te gebruik om die verkoop van derdeparty-goedere of -dienste aan te vra nie. Ons kan hierdie derdepartye voorsien van saamgestelde, ongeïdentifiseerde inligting oor advertensies wat op hul webwerwe geplaas word en YouVersion wat afgelaai word as gevolg van daardie advertensies.

Toestel-ID, IP-adres en netwerktoegang.

Wanneer jy op YouVersion webtuistes ingaan of dit verlaat, ontvang ons die webadres van beide die webtuiste wat jy verlaat en die een waarnatoe jy volgende gaan. Wanneer jy YouVersion gebruik, kry ons ook inligting oor jou instaanbediener, bedryfstelsel, webblaaier en byvoegsels, toestel identifiseerder en -funksies en/of jou Internet diensverskaffer of mobiele draer. Ons ontvang ook data van jou toestel en netwerke, sowel as jou IP-adres.

Ons gebruik die IP-adresse wat ons van ons gebruikers versamel om dit met die openbare lengte- en breedtegraadinligting ten opsigte van jou internet- of mobiele-diensverskaffer te verwerk en vas te stel; en in sommige gevalle in 'n saamgestelde, ongeïdentifiseerde wyse uitgebeeld volgens die benaderde geografiese streek vir elke geval waar YouVersion gebruik word. Hierdie lengte- en breedtegraadinligting word deur ons vir ongeveer sewe dae gestoor vir foutopsporing en diagnostiese doeleindes, maar word nooit verbind met enige inligting van jou of wat jou persoonlik kan identifiseer nie.

Ons samel ook die koordlose (of "WiFi") toestemmings van jou mobiele toestel in, en gebruik dit om vas te stel of jy aan 'n WiFi of sellulêre netwerk verbind is. Hierdie inligting word gebruik om hoër resolusie media aan gebruikers te verskaf, om sodoende 'n beter gebruikerservaring aan 'n gebruiker te bied wat aan 'n hoë-spoed WiFi verbind is, eerder as 'n sellulêre netwerk. WiFi toestemmings word ook gebruik om inhoud deur middel van Chromecast en soortgelyke toestelle te toets. Hierdie inligting word nie deur YouVersion gestoor of gedeel nie.

Hoe Ons Jou Inligting Gebruik

Ons gebruik data wat ons oor jou versamel en wat jy verskaf asook die afleidings wat ons uit daardie inligting maak as volg:

  • Om YouVersion en die YouVersion funksionaliteit op jou versoek te verskaf, te ondersteun en te verpersoonlik;
  • Om jou YouVersionrekening te skep, te onderhou, te verpersoonlik en te beveilig, indien dit nodig is;
  • Om jou versoeke te verwerk en op jou navrae te reageer;
  • Om inligting oor ander produkte of dienste te verskaf;
  • Om die veiligheid, sekuriteit en integriteit van YouVersion en die infrastruktuur wat die gebruik daarvan moontlik maak, te onderhou;
  • Vir ontwikkeling en interne ontleding;
  • Om enige ander doel te bereik waarvoor jy dit verskaf het;
  • Om ons verpligtinge uit te voer en ons regte af te dwing, insluitend dié onder hierdie Privaatheidsbeleid en ons Gebruiksvoorwaardes;
  • Soos beskryf in hierdie Privaatheidsbeleid;
  • Op enige ander manier wat ons kan beskryf wanneer jy die inligting verskaf; en
  • Vir enige ander doel met jou toestemming.

Lidmaatskap.

Ons gebruik die persoonlike inligting wat jy verskaf om jou lidmaatskaprekening te skep en in stand te hou. Ons gebruik ook hierdie inligting om jou toegang tot jou rekening te magtig en te verifieer. Ons verbind hierdie inligting asook inligting met betrekking tot jou gebruik van YouVersion (insluitend gebruikersbydraes) met jou lidmaatskaprekening en stoor dit solank jy 'n lid is. Byvoorbeeld, jou voornaam en van en e-posadres sal deur ons gestoor en gebruik word, en ons verbind dit met jou rekeningnaam of outo-gegenereerde rekening-ID om jou as die korrekte gebruiker van jou rekening te verifieer. Ons verbind ook jou gebruikersbydraes met jou lidmaatskaprekening en stoor dit sodat jy toegang kan kry tot jou gebruikersbydraes, herhaalde toegang, iets te plaas en andersins te gebruik soos jy verkies.

Vriende.

YouVersion sal jou toelaat om met ander YouVersion-gebruikers te kommunikeer en in verbinding te kom om Bybelverse, gebruikersbydraes en ander inhoud te deel. Dit is jou keuse om te kommunikeer of met 'n ander lid te skakel en om jou inligting of gebruikersbydraes te deel.

Om jou verbinding met ander YouVersion lede moontlik te maak, sal jy kan kies of jy die kontakinligting wat op jou foon gestoor word, met ons wil deel. Jy hoef nie hierdie inligting te deel om YouVersion te kan gebruik of om met ander lede kontak te maak nie. Indien jy kies om hierdie inligting met ons te deel, sal dit slegs gebruik word om jou kontakete met ander YouVersion lede te assosieer, om sodoende kontak te maak en sal slegs gestoor word vir so lank jy 'n YouVersionrekening het. Wanneer jy toegang verleen tot die kontakte op jou toestel, vir vriendskap voorstelle, kennisgewing wanneer 'n kontak aansluit of om 'n uitnodiging na YouVersion te rig, word daardie inligting in verkorte formaat op ons bedieners gestoor met die doel om jou hierdie funksie te bied.

Funksies wat verband hou met jou ligging.

Sommige YouVersion-funksies gebruik jou presiese ligging, as jy kies om dit te deel, om inhoud en inligting te verskaf of voor te stel, soos om jou te help om by 'n geleentheid aan te meld of inhoud van nabygeleë organisasies voor te stel. Ons sal hierdie "ligging-gebaseerde funksies" noem. Om ligging-gebaseerde funksies te gebruik of toegang daartoe te verkry, sal jy die opsie kry om jou presiese ligging met ons te deel. As jy kies om dit te doen, sal ons daardie inligting uitsluitlik gebruik om ligging-gebaseerde funksies te verskaf, aan jou 'n pasgemaakte YouVersion ervaring te gee en vir interne ontleding en ontwikkeling van ons produkte en dienste te gebruik.

Nadat jy aanvanklik hierdie toestemming aan ons gegee het, sal ons aanvaar dat ons jou toestemming het om jou ligging op hierdie manier te verwerk totdat jy jou toestemming terugtrek of beperk. Jy kan kies om jou toestemming om jou ligging te deel, te herroep of te beperk deur die instellings op jou toestel.

As jy kies om nie jou presiese ligging te deel nie, kan sommige ligging-verwante funksies steeds beperkte funksionaliteit toelaat (jy kan byvoorbeeld steeds persoonlik vir gebeure om jou soek), maar ander soortgelyke funksies sal dalk nie vir jou toeganklik wees nie. Jy sal wel steeds toegang tot YouVersion funksies wat nie van jou ligging afhanklik is nie kan kry en dit gebruik.

Ons deel jou spesifieke ligging slegs met jou toestemming. As jy kies om sekere ligging-verwante inligting vir jou vriende of in die openbaar sigbaar te maak, gee jy uitdruklike toestemming dat ons daardie inligting met die gehoor wat jy spesifiseer, kan deel. Jy kan hierdie toestemming enige tyd in jou Bybeltoep se instellings verander.

YouVersion inhoud.

Ons versamel die wyse waarop jy YouVersion en die inhoud daarvan gebruik, soos jou gebedsversoeke, die hoofstukke in die Bybel en leesplanne wat jy lees, ook die taal waarin jy kies om daardie inhoud te gebruik. Ons versamel en stoor ook die gebruikersbydraes wat jy skep, soos boekmerke, kleurmerke en notas. Ons verwerk hierdie inligting om aan jou toegang te gee tot inhoud wat jy skep of waartoe jy toegang wil hê gedurende elke YouVersion-sessie.

Jy kan kies of jy sekere YouVersion-inhoud en gebruikersbydraes op jou toestel wil aflaai. Jy kan kies of jy YouVersion toegang wil gee tot dit wat op jou toestel gestoor is, en dan byvoeging tot die afgelaaide inhoud te maak en te verander. Toegang tot die berging op jou toestel word slegs deur YouVersion gebruik om die aangevraagde inhoud op jou toestel, af te laai.

Dit is jou keuse of jy YouVersion-inligting en inhoud wil skep, bekom of stoor. As jy dit doen, stoor ons dit in samehang met jou lidmaatskapsrekening. Ons kan inligting oor jou benutting van YouVersion en die afleidings wat ons daaruit maak, gebruik om aanbevelings aan jou oor ander YouVersion of Life.Church-inhoud te gee. Byvoorbeeld, gebaseer op 'n leesplan wat jy voltooi het, kan ons addisionele leesplanne voorstel. Jy kan kies om hierdie aanbevelings, wat jy per e-pos ontvang, van die hand te wys, soos hieronder bespreek.

Kommunikasie van ons aan jou.

Ons kommunikeer met jou deur middel van "push"-kennisgewing, e-pos of boodskappe in die Bybeltoep. As ons per e-pos met jou kommunikeer, kan jy hierdie boodskappe kanselleer deur op die betrokke skakel in die e-pos te klik. Jy kan ook jou kennisgewinginstellings enige tyd in die YouVersion Bybeltoep by instellings kiesopsie verander, deur op die volgende skakel te klikbible.com/settings.

Aanbevelings en ander kommunikasie

Ons gebruik die data wat ons oor jou het en die afleidings wat ons uit hierdie data maak, om sekere inhoud en funksionaliteit aan te beveel, asook addisionele produkte en dienste wat deur middel van YouVersion aangebied word. Ons kan die inligting wat jy aan ons verskaf kombineer met ander inligting wat ons insamel van ander Life.Church-dienste en -produkte en die afleidings wat ons daaruit maak vir ons interne ontwikkeling gebruik om die algehele kwaliteit van alle dienste en produkte wat deur Life.Church gelewer word, te verbeter. Ons kan ook aanbevelings aan jou maak van ander Life.Church-dienste en -produkte, gebaseer op die inligting wat jy verskaf en wat ons daaruit aflei. Ons kan ook die data wat ons oor jou het en afleidings wat ons uit daardie data maak, gebruik om ander geleenthede en betrokkenhede met Life.Church te bespreek. Ons kan ook met jou in aanraking kom deur middel van "push"-kennisgewing, e-pos, per telefoon of boodskappe in die toep om hierdie aanbevelings en geleenthede, asook die gebruik van YouVersion en ander nuus-boodskappe met jou te bespreek.

Meningspeilings en Opnames

Meningspeilings en opnames word soms deur ons deur YouVersion gedoen. Jy is nie verplig om op peilings of opnames te reageer nie, en jy het keuses oor die inligting wat jy verskaf. Omdat die doel van hierdie peilings en opnames kan verskil, sal ons besonderhede verskaf wat verband hou met die openbaarmaking en gebruik van persoonlike inligting met betrekking tot enige peiling of opname voordat jy enige inligting verskaf.

Sekuriteit, Regs- en Tegniese Probleme

Ons kan jou inligting gebruik om met jou in aanraking te kom oor rekeningsekuriteit, wetlike en ander diensverwante sake. Neem asseblief kennis dat jy nie kan weier om sulke boodskappe van ons af te ontvang nie. Ons kan jou persoonlike inligting gebruik om regs-, sekuriteits- en tegniese sake en klagtes te ondersoek, daarop te reageer en op te los, insluitend, waar nodig, vir sekuriteitsdoeleindes of moontlike bedrog, oortredings van die wet of ons Gebruiksvoorwaardes of hierdie Privaatheidsbeleid, of pogings om skade aan te rig; jy stem egter in dat ons geen verpligting het om enige van die voorafgaande te voorkom of te monitor nie.

Kennisgewing

Ons kan jou persoonlike inligting gebruik om kennis te gee aangaande 'n sekuriteitsvoorval of data-oortreding, deur: (i) 'n boodskap te stuur na die e-posadres wat jy verskaf (soos van toepassing); (ii) plasing na 'n publieke bladsy van YouVersion of deur 'n in-toepassing-boodskap; (iii) deur groot landswye media; en/of (iv) telefoniese middele, insluitend oproepe en/of teksboodskappe, selfs al gestuur via outomatiese middele insluitend outomatiese inbellers. Standaard teks- en databoodskaptariewe kan van jou diensverskaffer geld. Kennisgewings wat per e-pos gestuur word, sal effektief wees wanneer ons die e-pos stuur, kennisgewings wat ons verskaf deur plasing sal effektief wees met plasing en deur in-toepassing-boodskappe wanneer die boodskap gestuur word, en kennisgewings wat ons deur middel van telefoniese middele verskaf, sal effektief wees wanneer dit versend of geskakel word. Jy stem in tot die ontvangs van elektroniese kommunikasie vanaf Life.Church met betrekking tot YouVersion en jou gebruik en toegang tot die dienste wat deur YouVersion verskaf word. Dit is jou verantwoordelikheid om jou e-posadres en enige ander kontak inligting wat jy aan ons verskaf op datum te hou sodat ons hierdie kommunikasie aan jou kan verskaf.

Analise en Werkverrigting.

Ons ontleed intern die persoonlike data wat tot ons beskikking is en die gebruik van YouVersion se inhoud, asook die gevolgtrekking wat ons uit die data maak, om aan YouVersion te verskaf en op te dateer, om aan jou te verskaf en inligting te verwerk soos in hierdie beleid bespreek is en ook vir interne ontleding, soos om die sosiale, ekonomiese en geografiese neigings waar te neem namate hulle betrekking op YouVersion se inhoud het. In sommige gevalle werk ons saam met betroubare derdepartye om hierdie navorsing uit te voer, onder kontroles wat ontwerp is om jou privaatheid te beskerm, soos hieronder bespreek. Ons mag die gebruik van YouVersion se inhoud as 'n saamgestelde opsomming openbaar maak met inligting wat onidentifiseerbaar en anoniem is, wat nie 'n spesifieke gebruiker of die gebruiker se persoonlik-identifiseerbare inligting openbaar nie. Ons kan byvoorbeeld jou data gebruik om statistiek te genereer oor die algehele wêreldwye gebruik van YouVersion of in spesifieke geografiese streke of by spesifieke geleenthede of liggings.

Ons gebruik ook gedeïdentifiseerde en saamgestelde gebruikerdata om YouVersion te bemark, insluitend kommunikasie wat YouVersion-lidmaatskap en netwerkgroei bevorder, soos om die totale aantal YouVersion-installasies te vier. Wanneer jy statistieke sien wat ons publiek deel, soos globale YouVersion-betrokkenheid, maak ons seker dat ons die data in 'n saamgevoegde vorm ontleed en publiseer, wat jou privaatheid beskerm en jou identiteit en persoonlike inligting vertroulik hou. Ons gebruik data, insluitend persoonlike inligting wat deur die gebruiker verskaf is, samevoegings van gebruikerdata, data wat ingesamel is deur die gebruik van YouVersion, publieke terugvoer en inligting wat uit hierdie data afgelei word om interne navorsing en ontwikkeling te doen ten einde 'n beter algehele YouVersion-ervaring te bied, die meet van die prestasie van YouVersion, en verhoog die gebruik van YouVersion en sy kenmerke. Dit word gedoen deur veranderinge aan YouVersion aan te bring wat algemeen beskikbaar is, sowel as om gebruikers boodskappe deur YouVersion te stuur wat YouVersion-funksionaliteit en inhoud voorstel.

Sensitiewe Data

Deur YouVersion af te laai en te gebruik, aanvaar ons nie dat jy van enige spesifieke godsdienstige kerkverband is of enige spesifieke godsdienstige oortuiging aan ons verwoord nie; ons aanvaar bloot dat jy belangstel in die inhoud wat ons verskaf. Ons vereis nie dat gebruikers inligting oor sulke oortuigings verskaf of enige ander sensitiewe data soos ras, etnisiteit, filosofiese oortuigings of fisieke of geestelike gesondheid verskaf om YouVersion te gebruik of om 'n YouVersion-Lidmaatskaprekening te skep of in stand te hou nie.

Sommige funksies wat deur YouVersion beskikbaar is, gebruik persoonlike inligting wat jou godsdienstige of filosofiese oortuigings kan weerspieël. Voordat ons hierdie inligting vir sulke funksies insamel of verwerk, sal ons eers jou uitdruklike toestemming verkry. Benewens hierdie funksies, het jy beheer oor die inhoud van sekere dinge wat jy deur YouVersion skep, deel en stoor, en indien jy sensitiewe inligting aan ons verskaf in enige inhoud wat jy skep, deel en stoor, sal ons aanvaar dat ons jou toestemming het om daardie inligting te verwerk.

Ons sal nie jou sensitiewe, persoonlike inligting verkoop nie, maar ons sal dit dalk met derdeparty-diensverskaffers moet deel wat ons in staat stel om sekere toepassings se funksies te verskaf. Daar word van daardie diensverskaffers vereis om jou persoonlike inligting vertroulik te hou en dit slegs te gebruik om hul dienste aan ons te verskaf. Ons sal die sensitiewe inligting wat ons versamel en afleidings wat ons daaruit maak, verwerk in ooreenstemming met ons Privaatheidsbeleid en met die doel om jou gebruik van daardie spesifieke toepassing se funksies moontlik te maak en te vergemaklik, om sodoende jou gebruikerservaring te verpersoonlik, sodat ons ander inhoud en dienste kan voorstel, en om ons interne dienste te verbeter. As jy kies om enige sensitiewe inligting aan ons te verskaf, kan ons daardie inligting saam met ander nie-sensitiewe inligting wat jy verskaf, gebruik om 'n meer persoonlike YouVersion-ervaring vir jou te skep en om die dienste en aksies wat jy versoek, uit te voer, soos die deel of stoor van inhoud wat jy skep. Life.Church sal nietemin slegs sensitiewe data wat jy aan ons verskaf vir Life.Church se wettige aktiwiteite namens jou verwerk en uitsluitlik in ooreenstemming met die bepalings van hierdie beleid en enige bykomende versoeke wat jy oor die inligting aanvra. Ons sal ook jou inligting in stand hou onderhewig aan toepaslike voorsorgmaatreëls wat in hierdie beleid bespreek word en andersins deur Life.Church verskaf word.

Jy het die reg om jou toestemming tot ons versameling en verwerking van jou sensitiewe, persoonlike inligting terug te trek deur die afskakeling en staking van YouVersion-funksies wat hierdie inligting gebruik of deur ons per pos te kontak by Life.Church, Attn.: YouVersion Support, 4600 E 2nd St., Edmond, Oklahoma 73034, of per e-pos by help@youversion.com; nietemin, die terugtrekking van jou toestemming kan egter ons vermoë belemmer om sekere funksionaliteit te verskaf.

Openbaarmaking van Jou Inligting

Ons verkoop of deel nie jou persoonlike data met enige derdeparty-adverteerders of advertensienetwerke vir hul advertensiedoeleindes nie. Ons kan jou persoonlike inligting aan derdepartye bekend maak om inligting te verwerk soos hierbo beskryf en andersins om dit vir ons moontlik te maak om aan YouVersion, te verskaf soos verder hieronder bespreek.

Openbaarmaking namens jou.

Ons kan persoonlike inligting openbaar maak wat ons insame, of wat jy verskaf, soos beskryf in hierdie privaatheidsbeleid om ons verpligtinge ingevolge ons Gebruiksvoorwaardes na te kom, om die doel te bereik waarvoor jy dit voorsien, vir enige ander doel wat jy versoek wanneer jy die inligting verstrek, of vir enige ander doel waarvoor ons jou toestemming het.

Openbaarmaking deur jou.

As jy inligting deur middel van YouVersion deel, kan jy hierdie inligting sien en deur enigiemand anders met wie jy dit wil deel. As jy toegang tot jou YouVersion-rekening aan ander toepassings en dienste gee, sal daardie dienste dan toegang hê tot jou gedeelde inligting op grond van jou goedkeuring. Die gebruik, versameling en beskerming van jou data deur sulke derdeparty-dienste is onderworpe aan die beleidsbepalings van die derdepartye.

Interne openbaarmaking.

Ons sal jou persoonlike data intern by Life.Church en sy sustermaatskappye verwerk om die persoonlike inligting wat deur die verskillende fasette van YouVersion gedek word, asook ons ander produkte en dienste te kombineer sodat ons dienste op 'n persoonlike en nuttige manier aan jou en ander gelewer word.

Diensverskaffers en liggings.

Ons kan persoonlike inligting wat ons versamel of wat jy verskaf soos beskryf in hierdie Privaatheidsbeleid, openbaar maak aan kontrakteurs, diensverskaffers en ander derdepartye wat ons gebruik om YouVersion te ondersteun (soos wolkgashere, koekieverskaffers, instandhouding, ontleding, oudit, eksterne bemarking, betaling, opsporing van bedrog, en ontwikkeling), asook om ons bedrywighede te ondersteun (soos om met jou te kommunikeer vir potensiële doeleindes van indiensnemings). Ons kan inligting wat ons het kombineer met inligting van hierdie diensverskaffers om hul ondersteuning te vergemaklik. Byvoorbeeld, sommige van die platforms wat gebruik word om e-posse en kennisgewings uit te stuur wat deur YouVersion verskaf word, word deur derde partye ontwikkel en bestuur, dus word van jou inligting met die nodige sekuriteit na daardie dienste gestuur om sulke funksionaliteit te verskaf. Hulle sal slegs toegang tot jou inligting hê tot die mate wat redelikerwys nodig is om hierdie take namens ons uit te voer en is verplig om dit nie bekend te maak of vir ander doeleindes te gebruik nie. Ons kan ook saamgestelde, ongeïdentifiseerde inligting verskaf oor verbintenisse van YouVersion se gebruikers met derde partye en hul geleenthede of liggings.

YouVersion se inhoudverskaffers.

Ons gebruik sekere derdepartye om sekere YouVersion-inhoud te voorsien, soos Leesplanne. Ons deel nie persoonlike inligting van YouVersion-gebruikers met hierdie derdepartye nie. Ons bied egter aan hierdie derdepartye opgesomde ontledings oor die gebruik van hul inhoud, per land, maar hierdie data word ongeïdentifiseer en anoniem verskaf.

Ons vermoë om verskillende weergawes van die Bybel in verskillende tale aan te bied, is te danke en onderhewig aan ooreenkomste tussen ons en sekere Bybelgenootskappe en uitgewers, wat ons "YouVersion Inhoudverskaffers" sal noem. Die lisensieooreenkomste wat ons met sommige YouVersion Inhoudverskaffers het, stel ons net in staat om gebruikers van YouVersion die geleentheid te gee om 'n sekere Bybelweergawe af te laai vir vanlyn gebruik, as ons die gebruikersnaam, e-posadres en land vir toekomstige kommunikasie aan YouVersion Inhoudverskaffers voorsien. Indien dit die geval is met sekere teks wat jy graag vir vanlyn doeleindes wil aflaai, sal ons (i) net hierdie inligting met die YouVersion Inhoudverskaffers deel vir die spesifieke vanlyn weergawe wat jy versoek; (ii) dit op 'n vertroulike basis doen en slegs as die YouVersion Inhoudverskaffers instem om die inligting wat ons oor jou verskaf, vertroulik te hou; en (iii) om aan jou 'n addisionele porboodskap te gee as 'n herinnering aan hierdie bepalings, waarvoor jy op daardie tydstip moet instem om voort te gaan met die aflaaiproses. As jy nie instem nie, kan jy voortgaan om die aanlynweergawe te gebruik. Geen ander persoonlike inligting van jou sal met YouVersion Inhoudverskaffers gedeel word nie, en geen inligting sal gedeel word voordat jy die goedkeuring verleen nie, wat jou dan toegang gee om die spesifieke weergawe af te laai. Jou interaksie met daardie YouVersion Inhoudverskaffer is uitsluitlik tussen jou en daardie YouVersion Inhoudverskaffer.

Regsproses.

Dit is moontlik dat ons inligting oor jou sal moet openbaar maak wanneer dit deur die wet, dagvaarding of ander regsproses vereis word. Ons poog om gebruikers in kennis te stel van wettige vereistes vir hul persoonlike data, waar toepaslik volgens ons oordeel, tensy dit deur die wet of hofbevel verbied word, of as die versoek 'n noodgeval is. Ons mag sulke versoeke betwis as ons volgens ons diskresie glo dat die versoeke oordrewe of vaag is, of nie behoorlike gesag dra nie, maar ons belowe nie om elke eis uit te daag nie. Ons mag ook jou inligting bekendmaak as ons in goeder trou glo dat die openbaarmaking redelik noodsaaklik is om (i) ondersoeke uit te voer, te voorkom of op te tree ten opsigte van onwettige aktiwiteite wat vermoed word of werklik is of om regerings se toepassingsagentskappe by te staan; (ii) ons ooreenkomste met jou af te dwing; (iii) ondersoeke te doen en onsself te verdedig teen eise of aantygings van derdepartye; (iv) die veiligheid of integriteit van YouVersion te beskerm; of (v) die regte en veiligheid van Life.Church, gebruikers, ons personeel of ander te verseker of te beskerm. Ons behou ook die reg voor om persoonlike inligting wat ons oor jou het, vertroulik te openbaar in verband met 'n potensiële of werklike samesmelting of verkryging, soos die verkoop van alles of aansienlike hoeveelhede van ons bates.

Uitwissing, Toegang, en Regstelling van Jou Inligting

Hoe om jou versoeke te rig.

Van die persoonlike data wat ons van jou het, mag jy die volgende aanvra:

  • Skrapping: Jy mag ons versoek om sekere van, of al jou persoonlike inligting, te skrap of te verwyder. As jy dit doen sal dit die funksies in YouVersion beperk. Let daarop dat 'n e-posadres nodig is om lid te word en te verseker dat ons behoorlik kan bevestig wie die gebruiker van daardie rekening is.
  • Korreksie/Wysiging: Jy mag van jou persoonlike data deur middel van jou rekening wysig of ons vra om in sekere gevalle jou data te verander, op te dateer of reg te stel, insluitend as dit is verkeerd.
  • Beswaar maak, of Beperk, Gebruik van Data: Jy mag ons vra om die gebruik van al jou persoonlike data of sommige daarvan te staak of om ons gebruik daarvan te beperk.
  • Reg van Toegang tot en/of Jou Data te Neem: Jy mag ons vra vir 'n afskrif of bekendmaking van jou persoonlike data wat jy aan ons verskaf het.

Sekere wette kan jou die reg verskaf om hierdie en addisionele versoeke ten opsigte van jou persoonlike inligting te rig. Indien jy ons van persoonlike inligting voorsien het en volgens die wetgewing van 'n spesifieke streek, so 'n versoek wil rig, sluit dan die frase "[Jou Provinsie/Land] Privaatheidsversoek" in die onderwerplyn van jou versoek en stuur dit per e-pos na help@youversion.com of per pos aan Life.Church, attn.: YouVersion Support, 4600 E. 2nd St., Edmond, Oklahoma 73034.

Ons vra dat individue wat versoeke rig, hulself met ten minste hul naam, adres en e-posadres moet identifiseer en die inligting waartoe toegang, regstelling of uitwissing versoek word, te identifiseer voordat ons die versoek verwerk. Ons mag addisionele inligting versoek om die persoon wat die versoek rig se identiteit te verifieer. Ons mag weier om versoeke te verwerk as ons nie die identiteit van die persoon kan verifieer nie, of as ons glo dat die versoek die privaatheid van ander in gedrang sal bring, of enige wet of regsvereiste sal oortree, of die inligting foutief sal maak, of as dit vir 'n soortgelyke geldige doel is.

Ons sal nie teen jou diskrimineer omdat jy enige van jou regte onder toepaslike wetgewing uitoefen nie. Ons hef nie 'n fooi om jou verifieerbare versoek te verwerk of daarop te reageer nie, tensy dit buitensporig, herhalend of klaarblyklik ongegrond is. As ons bepaal dat die versoek 'n fooi regverdig, sal ons jou vertel hoekom ons daardie besluit geneem het en jou van 'n kosteberaming voorsien voordat jy jou versoek voltooi.

Sommige inligting wat jy in YouVersion geskep, ontvang of gebruik het, is dalk nie in 'n bruikbare vorm buite YouVersion beskikbaar nie. Wanneer jy dus 'n afskrif van jou persoonlike inligting aanvra, sal ons persoonlike inligting wat jy aan ons verskaf het, soos jou naam, adres, telefoonnommer en dies meer kan verskaf; ons kan egter nie inhoud en Gebruikersbydraes aan jou verskaf wat YouVersion-funksionaliteit gebruik nie.

Wis jou rekening uit.

Jy kan jou YouVersion-rekening te eniger tyd uitwis deur die instellingsfunksie in YouVersion te gebruik; wanneer jy egter jou rekening uitwis, sal ons die inligting wat met jou rekening gepaardgaan, soos Notas, Boekmerke en ander Gebruikersbydraes wat jy geskep, ontvang of gedeel het, uitvee. Indien jy nie jou rekening of hierdie inligting wil uitvee nie, maar tydelik wil ophou om YouVersion te gebruik, kan jy ophou om die YouVersion Bybeltoep te gebruik. Ons sal jou rekening en die inligting wat met jou rekening gepaardgaan in stand hou totdat jy die gebruik hervat of jou rekening uitwis, wat ook al eerste gedoen word.

As jy kies om jou rekening uit te wis of vra dat ons jou persoonlike inligting verander of uitwis, sal ons persoonlike inligting wat ons oor jou gestoor het, uitwis en heeltemal afvee sodat dit nie elektronies herstel kan word nie. Ons mag egter jou persoonlike data behou indien ons 'n wetlike reg of verpligting het om die inligting in stand te hou ter wille van regulatoriese vereistes, om geskille op te los, om sekuriteit in stand te hou, bedrog en misbruik te voorkom, ons regte af te dwing, of aan enige ander versoeke van jou te voldoen (byvoorbeeld deur verdere boodskappe van die hand te wys of om 'n kopie van jou data aan te vra). Andersins, as jy versoek dat ons jou rekening uitwis, sal ons jou rekening en al die inligting wat ons het, wat met jou rekening gepaardgaan uitwis, behalwe vir die saamgestelde statistieke, gebaseer op onidentifiseerbare inligting en afleidings wat ons daaruit gemaak het. (Byvoorbeeld die feit dat jy YouVersion afgelaai het, sonder om jouself te identifiseer of persoonlike inligting wat met daardie rekening gepaardgaan onderhou het).

Ons uitwissing van jou inligting en rekening sal gewoonlik nie meer as veertien dae vanaf jou versoek duur nie; gekaste inligting kan egter tot dertig dae neem om uitgewis te word. Neem asseblief kennis dat ons geen beheer het oor inligting wat jy met ander deur YouVersion gedeel het nadat jy jou rekening gesluit het of gevra het om inligting uit te wis of probeer het om jou rekening self uit te wis nie. Jou inligting en inhoud wat jy gedeel het, kan steeds in die dienste van ander vertoon word (byvoorbeeld resultate van soekenjins) totdat hulle hul kas verfris.

Sekuriteit en Beskerming

Ons implementeer veiligheidsmaatreëls wat ontwerp is om jou data te beskerm. Dit sluit in die gebruik van enkripsie vir jou data terwyl dit tussen jou toestel of webblaaier en ons bediener oorgedra word en terwyl dit in rus is. Data wat deur YouVersion aan ons verskaf word, word ook gestoor in 'n ISO 27017-gesertifiseerde infrastruktuursbestuurstelsel, wat beteken dat dit geoudit is en gevind is in ooreenstemming met die vereistes van die bestuurstelselstandaarde ISO 27017, 'n internasionaal erkende praktykskode vir beheermaatreëls vir inligtingveiligheid vir wolk-dienste.

Gegewe die aard van kommunikasie- en inligtingstegnologie, en dat die gebruik van die internet inherente risiko's inhou, hoewel ons gereeld monitor vir moontlike kwesbaarhede en aanvalle, kan ons nie waarborg of verseker dat die inligting wat deur YouVersion aan ons verskaf word of wat op ons stelsel gestoor is, absoluut vry is van ongemagtigde indringing deur ander nie en ons kan ook nie waarborg of verseker dat daar nie toegang tot sulke inligting, openbaar gemaak, gewysig of vernietig kan word deur enige verbreking van ons fisiese, tegniese of bestuursmaatreëls te beskerm nie.

Kinders jonger as 16 jaar.

Ons samel nie persoonlike inligting in van enige persoon wat ons weet jonger as 16 is sonder die toestemming van die ouer of wettige voog van daardie minderjarige nie.

'n Ouer of voog kan toestemming gee dat die YouVersion-rekening deur 'n minderjarige op die ouer of voog se primêre profiel of 'n sekondêre profiel van die ouer/voog se rekening gebruik word op die platform wat die Bybel App vir Kinders genoem word. As jy jou minderjarige kind toelaat om jou rekening te gebruik (hetsy deur jou profiel of 'n Bybel App vir Kinders-profiel), is jy alleen verantwoordelik om toesig te hou oor die gebruik van YouVersion van die minderjarige en aanvaar jy die volle verantwoordelikheid vir die interpretasie en gebruik van enige inligting of voorstelle wat deur middel van YouVersion verskaf word.

Om 'n sekondêre profiel te skep, moet jy toegang hê tot jou rekening met jou gebruikersinligting en sal jy alleen beheer hê oor die profiel van die Bybel App vir Kinders. Ons vereis nie dat jy enige persoonlik identifiseerbare inligting oor jou minderjarige kind aan ons bekend maak om 'n profiel vir die Bybel App vir Kinders te skep nie. Wanneer jy 'n profiel vir jou minderjarige kind opstel, moet jy 'n “kind se naam” gee om die rekening te identifiseer; hierdie naam kan wees wat jy ook al kies, en jy hoef nie die werklike naam of familienaam van jou minderjarige kind te gee nie.

Waar jy jou minderjarige kind se inligting aan jou rekening koppel, sal ons aanvaar dat jy toestemming gee tot die verwerking van hierdie inligting in ooreenstemming met hierdie beleid en ander privaatheidskennisgewings en -voorwaardes wat ons van tyd tot tyd aan jou kan voorsien. As jy jou minderjarige kind toelaat om YouVersion te gebruik, vra ons dat jy die risiko's om persoonlike inligting op die internet te deel, met jou kinders bespreek, en vereis dat hulle hulle daarvan weerhou om met enige derdepartye te kommunikeer of om persoonlike inligting met YouVersion of YouVersion-gebruikers te deel. As jy glo dat ons inligting het oor of van 'n kind jonger as 16, kontak ons dan by help@youversion.com.

Verwerking van Data

Ons sal slegs jou persoonlike gegewens insamel en verwerk waar ons volgens wet toestemming het. Wettigetoestemming sluit toestemming in (waar jy toestemming verleen het), kontrak en ander wettige belange. Sulke wettige belange sluit die beskerming van jou, ons, ander lede en derdepartye in; om aan die toepaslike wetgewing te voldoen; om ons besigheid moontlik te maak en te administreer; korporatiewe transaksies te bestuur; om ons interne prosesse en gebruikersverhoudinge in die algemeen te verstaan en te verbeter; en om ons en ander gebruikers van YouVersion in staat te stel om met jou kontak te maak om inligting uit te ruil, mits die voorafgaande jou regte en vryhede voldoende beskerm.

Waar ons op jou toestemming staatmaak om persoonlike gegewens te verwerk, mag jy toestemming onttrek of weier en waar ons op wettige belange vertrou, kan jy daarteen beswaar maak. As jy enige vrae het oor die wettige basis waarop jou persoonlike data ingesamel en gebruik word, kontak ons asseblief by help@youversion.com.

Tensy jy dit met YouVersion uitwis, behou en verwerk ons gewoonlik inligting en Gebruikersbydraes wat met jou rekening geassosieer word en gebruik dit om YouVersion se funksionaliteit te vergemaklik totdat jou rekening uitgewis word. Jy kan inligting en Gebruikersbydraes bestuur, verander en uitwis deur https://www.bible.com/settingste gebruik, deur spesifieke funksies van toepassings te beperk, of deur ons te kontak by die posadres of e-posadres hierbo vermeld, en ons sal hierdie inligting gebruik en verwerk om YouVersion se funksionaliteit te verskaf wat jy mag aanvra totdat jy dit uitwis en solank as wat jy YouVersion het.

Inligtinginsameling van Derdepartye

Hou in gedagte dat YouVersion skakels na ander webwerwe of programme kan bevat. Jy is verantwoordelik vir die hersiening van die privaatheidsverklarings en -beleide van die ander webwerwe wat jy kies om na of vanuit YouVersion te verbind, sodat jy kan verstaan hoe hierdie webwerwe jou inligting insamel, gebruik en stoor. Ons is nie verantwoordelik vir die privaatheidsverklarings, -beleide of -inhoud van ander webwerwe of programme nie, insluitend webwerwe wat jou na of vanuit YouVersion verbind. Webwerwe wat mede-handelsmerke bevat (met verwysing na ons naam en die naam van 'n derdeparty) bevat inhoud wat deur die derdeparty gelewer word en nie deur ons nie.

As jy verkies om YouVersion te koppel aan ander webwerwe, toepassings en dienste of profiele wat jy met derdeparty-toepassings het, sal jy die persoonlike inligting wat op daardie toepassings gestoor is, aan Life.Church voorsien. Byvoorbeeld, jy kan 'n nuwe YouVersionrekening begin deur jou Facebook-rekening aan YouVersion te koppel deur persoonlike inligting te verstrek wat jy kies om deur middel van Facebook met Life.Church te deel. Jy kan die skakel met sulke rekeninge en derdeparty-toepassings herroep deur jou instellings van daardie toepassings te verander.

Gebruikers Buite die Verenigde State van Amerika

YouVersion word aangebied vanaf Oklahoma in die Verenigde State van Amerika en jou gebruik van YouVersion en hierdie privaatheidsbeleid word beheer deur die wette van die Verenigde State en die staat Oklahoma. As jy YouVersion buite die Verenigde State gebruik, moet jy asseblief daarvan bewus wees dat jou inligting in die Verenigde State oorgedra, gestoor en verwerk kan word, waar ons bedieners geleë is en ons sentrale databasis bedryf word. Ons verwerk data binne en buite die Verenigde State en maak staat op wettige maniere om data oor die grense heen te dra. Dit sluit kontraktuele verbintenisse tussen ons en maatskappye in wat persoonlike data oorplaas, wat die beskerming en sekuriteit van sodanige data vereis. Die databeskerming en ander wette van die staat Oklahoma, die Verenigde State en ander lande, mag dalk nie so omvattend wees as dié in jou land nie. Deur gebruik te maak van YouVersion, stem jy in dat jou inligting oorgedra word na ons fasiliteite en na die fasiliteite van die derdepartye waarmee ons dit deel, soos beskryf in hierdie Privaatheidsbeleid.

Wysigings aan Ons Privaatheidsbeleid

Ons kan ons Privaatheidsbeleid van tyd tot tyd bywerk om veranderinge in ons praktyke te weerspieël. Life.Church is deurlopend op soek na nuwe en verbeterde maniere om YouVersion aan te bied en betrokkenheid te verhoog. Namate ons YouVersion verbeter, kan dit beteken dat nuwe data ingesamel word of nuwe maniere om data te gebruik. Aangesien YouVersion dinamies is en ons voortdurend daarna streef om nuwe funksies aan te bied, kan ons moontlik veranderings in ons versameling of verwerking van inligting benodig. As die persoonlike data wat ons insamel wesenlik verskil of die manier hoe ons jou data gebruik wesenlik verander, sal ons hierdie Privaatheidsbeleid opdateer.

Ons sal enige veranderinge aan ons Privaatheidsbeleid op hierdie bladsy plaas. As ons wesenlike veranderinge aanbring in die manier waarop ons die persoonlike inligting van ons gebruikers verwerk, sal ons 'n kennisgewing gee dat die Privaatheidsbeleid opgedateer is. Aan die begin van die beleid word die datum waarop die Privaatheidsbeleid laas gewysig is, aangebring. Jy is verantwoordelik daarvoor om te verseker dat ons 'n aktiewe en aflewerbare e-posadres vir jou het, en dat jy hierdie Privaatheidsbeleid van tyd tot tyd besoek om te sien of dit verander het.

Geargiveerde weergawes.

2 April 2020

Kontakbesonderhede

Om vrae te vra of kommentaar te lewer oor hierdie Privaatheidsbeleid en ons privaatheidspraktyke, kan jy ons gerus kontak by: Life.Church, Attn.: YouVersion Support, 4600 E. 2nd St., Edmond, Oklahoma 73034; of by help@youversion.com.