ការថ្វាយបង្គំ៖ មេរៀនសិក្សាតាមទំនុកតម្កើងគំរូ

តើទំនុកតម្កើងនេះថ្លែងពីអ្វី?

ព្រះបាទដាវីឌ បានស្រែករកព្រះ ដើម្បីរកយុត្តិធម៌ និងការការពារ នៅពេលដែលគាត់មានវ័យចំណាស់។

តើទំនុកតម្កើងនេះមានន័យយ៉ាងណា?

នៅក្នុងសេចក្ដីអធិស្ឋានរបស់ ព្រះបាទដាវីឌ ទាំងមូល នោះមាននូវការរំពឹងជាអាថ៌មួយ គឺថាព្រះជាម្ចាស់នឹងឆ្លើយតប ហើយរំដោះរូបគាត់ពីទុក្ខលំបាករបស់គាត់។ ទំនុកចិត្តរបស់ ព្រះបាទដាវីឌ នោះគឺថាព្រះនឹងប្រព្រឹត្តយ៉ាងយុត្តិធម៌ ដើម្បីការពារនិងរំដោះរូបគាត់ ដ្បិតគាត់បានដើរដោយគោរពចំពោះព្រះ ពេញអស់មួយជីវិតរបស់គាត់រួចជាស្រេចហើយ។ គាត់បានរៀនទុកចិត្តលើព្រះ នៅគ្រាគាត់នៅវ័យជំទង់ ហើយបានទទួលពីភាពស្មោះត្រង់របស់ព្រះពេញអស់មួយជីវិត ហើយគាត់បានប្រកាសពីព្រះ ថាព្រះអង្គគឺជាអ្នកការពាររបស់គាត់ នៅគ្រាដែលគាត់មានវ័យចំណាស់។ ចរិតលក្ខណៈរបស់ព្រះបានស្ដែងយ៉ាងជាក់ ថាព្រះអង្គគឺជាព្រះដែលគួរឱ្យទុកចិត្តពីមួយគ្រាទៅមួយគ្រា។ ព្រះបាទដាវីឌ បានពឹងផ្អែកលើព្រះសម្រាប់ការប្រោសលោះ ដ្បិតគាត់ជឿយ៉ាងជាក់ថាព្រះមិនបរាជ័យសោះឡើយ។

តើខ្ញុំត្រូវឆ្លើយតបយ៉ាងណា?

អ្នកប្រហែលជាធ្លាប់រស់នៅក្នុងដំណើរជីវិត ដែលបានស្គាល់ពីគ្រប់រសជាតិ ទាំងរឿងជោគជ័យ និងវិបត្តិបញ្ហា នោះហើយ។ ប្រសិនបើអ្នកបានដើរតាមព្រះយេស៊ូ(វ) តាំងពីពេលអ្នកនៅវ័យក្មេង ចូរគិតពីពេលវេលាដែលព្រះអង្គបានយាងមក ដើម្បីធ្វើជាជំនួយដល់អ្នក។ ប្រសិនបើអ្នកបានមកជឿលើព្រះអង្គនៅវ័យរៀងចាស់បន្តិច អ្នកប្រហែលជាកំពុងតែរៀន ដឹងថាព្រះជាម្ចាស់អាចជាទីទុកចិត្តបាន នៅក្នុងគ្រប់និងរាល់ស្ថានភាពទាំងអស់។ មិនថាអ្នកស្ថិតនៅត្រង់ចំណុចណានៃជីវិតនោះទេ ចូរបង្កើតទម្លាប់នៃការពឹងផ្អែកលើព្រះ ដ្បិតការនោះនឹងជួយឱ្យអ្នកមានទំនុកចិត្តនៅក្នុងចរិតលក្ខណៈរបស់ព្រះ នៅពេលណាដែលអ្វីៗមិនដើរទៅតាមគម្រោងផែនការ ឬការគិតរបស់អ្នក។ តើអ្នកកំពុងតែប្រឈមមុខចំពោះរឿងអ្វីខ្លះដែរនៅថ្ងៃនេះ – តើជាវិបត្តិ ឬរឿងជោគជ័យ? ព្រះជាម្ចាស់ទ្រង់ស្មោះត្រង់ ហើយអ្នកអាចពឹងផ្អែកលើព្រះអង្គបាន។ តើអ្នកនឹងទុកចិត្តលើព្រះវរបិតាជាមួយនឹងវិបត្តិបញ្ហារបស់អ្នកដែរឬទេ នៅថ្ងៃនេះ?