Streef Na Vrede

Dag 6 van 7 • Vandag se leesstuk

Oordenking

Vrede Met Die Hede


Dit voel soos 'n radikale verandering om elke oggend God se liefde, barmhartigheid en getrouheid te onthou. In ons besige lewens is dit belangrik om iewers in die dag stil te word en God te vra vir die geskenk van vrede.  


Afrika Spreuk:


Stilte bring vrede en daarmee saam kom sekuriteit. ~ Oos-Afrika Spreuk



Matteus 5:9 sê:“Geseënd is die vredemakers, want hulle sal kinders van God genoem word.” 


As ons die geskenk van vrede ontvang het, is dit die grootste seëning om dit nie vir onsself te hou nie, maar aan ander aan te bied. Ons moet vrede gee in 'n wêreld wat daarna smag. Ons kan dit doen deur vir vrede vir ander te bid, vir vrede waar daar konflik is, vir onderskeiding en wysheid vir die leiers en vredemakers in konflik gebiede. 


Afrika Spreuk:


Dood of lewe kan nie verhoed word deur hoe besig of ledig jy is nie. ~Ibo spreuk


Die kerk behoort 'n ‘goeie voorbeeld’ en getuie te wees van hoe Christus mense genees, versoening bewerkstellig en lewens herstel. Tearfund se aksie-gedrewe platformRhythms,het baie idees oor hoe om elke dag 'n vredemaker te wees en dit in die praktyk toe te pas.


Aksie: 


Gaan sit iewers en kyk na mense. Bid vir die vreemdelinge wat jy sien, en onthou dat hulle nie vreemdelinge vir God is nie. Bid dat hulle God se liefde en teenwoordigheid sal ervaar ten spyte van die situasie of chaos wat hulle ondervind.