Streef Na Vrede

Dag 2 van 7 • Vandag se leesstuk

Oordenking

Ervaar Vrede Oor jou Omgewing 

Vrees kan ons vrede steel. Het jy al ooit na die nuus gekyk en gedink dat die wêreld al hoe boser en meer geweldadig as ooit voorkom? Te midde van natuurrampe, klimaatsveranderinge en terrorisme, is Jesus paraat en bestraf Hy die vrees wat ons ervaar en beveel ons om geloof te hê en nie bang te wees nie.

In 'n wêreld van onsekerheid en vrees, mag dit logies lyk om vrede te vind in 'n goed omheinde en bewaakte huis. Ons vind dalk 'n mate van vrede in die besittings wat ons opgaar, die suksesse wat ons behaal en ons prestasies. 

Afrika Spreuk:

Die rykdom wat die eienaar vasbind, is nie rykdom nie. ~ Joruba

Die vrede wat Jesus aanbied verskil hemelsbreed. Dit is 'n vrede te midde van swaarkry en storms. Hy sê: “Ruk julleself reg. Dit is Ek. Moenie bang wees nie!” Tydens die Laaste Avondmaal het Jesus hierdie woorde herhaal: “Moenie bekommerd of bang wees nie.”

God begeer dat ons sonder vrees deur die lewe sal gaan, maar ons kan dit nie sonder Hom doen nie. 

Tearfund werk in gebiede waar daar rampe was, en volg Jesus se voorbeeld deur mense te help waar die nood die grootste is. Kyk na hierdie video om te sien hoe Tearfund Nieu-Seeland op hierdie oproep gereageer het om vrede op aarde te bring.  

Aksie: 

Kyk na die hoof nuusgebeure en as jy klaar is, skakel die TV af, sit die koerant neer of sit die radio af. Bid dan tot God vir hierdie situasies en vra Hom om vrede in elkeen van hulle te bring.