Eliseo: Kuwento ng Isang Katawa-tawang PananampalatayaHalimbawa

Lubhang nagkasakit si Eliseo at binawian ng buhay sa 2 Mga Hari 13:10-21 at natunghayan ang pinaka-nakatutuwang himala niya. Matapos na mamatay at mailibing si Eliseo, sinalakay ng mga Moabita ang Israel habang may ilang Israelitang naglilibing ng isang lalaki. Lubusang nagulat ang mga ito at sa pagmamadali ay naitapon na lamang ang bangkay sa libingan ni Eliseo. Nang ito'y sumayad sa kalansay ni Eliseo, nabuhay ang bangkay at bumangon. Kahit sa kamatayan, patuloy na ginamit ng Diyos si Eliseo para tulungan ang mga nangangailangan at gumawa ng kamangha-manghang bagay sa buhay ng iba. Si Eliseo ay isang propetang may kamangha-manghang pananampalataya, pagtalima, kahabagan, at katapangan. Maging ito'y tungkol sa pagpapalutang ng talim ng palakol, pagsusunog ng mga araro bilang pagtalima sa tawag ni Elias, o pagbubuhay sa patay matapos ding mamatay, si Eliseo ay isa sa pinaka-hindi malilimutang tao sa Bibliya.



Pagkakataon nang maging kamangha-mangha gaya ni Eliseo at pigilan ang anumang humaharang. Oras nang harapin ang panganib at gumawa ng mga desisyong maaring 'di maintindihan ng mundo. Se Eliseo ay isang lubusang halimbawa ng buhay na walang takot at puno ng nakatutuwang pananampalataya. Kapag ipinaubaya at ibinigay mong lahat sa Diyos, gagawa Siya ng mga kamangha-manghang bagay sa buhay mo na inaakala mo'y hindi posible. Nakasalalay lamang sa'yo. Anong mga hakbang ang kailangan mong gawin upang magkaron ng kasing katuwa-tuwang pananampalataya kaparis ni Eliseo?