Eliseo: Kuwento ng Isang Katawa-tawang PananampalatayaHalimbawa

Nagsimula ang kwento ni Eliseo sa 1 Mga Hari 19:14-21 sa paghirang ng Diyos kay Eliseo kapalit ni Elias. Sa talatang ito nabasa natin na natagpuan ni Elias si Eliseo na nagaararo kaagapay ang isang pares ng toro at pagdaan nito ay nilagyan ng balabal bilang imbitasyong sumunod sa kanya. Dali-daling sumunod si Eliseo at ginamit na panggatong ang mga pamatok at mga araro sa pagluluto ng torong ipinakain sa mga kaibigan. Nagpakita si Eliseo ng nakakatawang dedikasyon kay Elias. Hindi siya nag-atubiling sumunod. Hindi niya kinailangang pagmuni-munihan ang desisyon. Hindi niya tinimbang ang kabutihan at kasamaan ng paanyaya. Hindi siya naniguro. Kagyat siyang umoo sa panawagan ng Diyos sa pamamagitan ni Elias.



Ipinakita ng masidhing pagsunod ni Eliseo na malaki ang katumbas ng pagtalima sa Diyos, subalit mas malaki ang kabayaran ng hindi pagsunod sa Kanya. Higit pa dito, buong-buo ang pagsunod ni Eliseo. Pinanggatong niya ang mga araro, pinatay ang toro, at iniwan ang mana mula sa pamilya. Tinalikuran niyang lahat ang kakilala at minamahal. Ipinakita sa atin ni Eliseo na sa paghakbang papunta sa ating tadhana, kinakailangan humakbang palayo sa mga bagay na nakasanayan na. Kagyat at buo ba ang pagtalima mo sa Diyos gaya ni Eliseo? Anong mga nakasanayan na ang dapat mong iwan para matunghayan ang iyong kapalaran?