Eliseo: Kuwento ng Isang Katawa-tawang PananampalatayaHalimbawa

Sa simula ng 2 Mga Hari 6:24 hanggang sa kabanata 7, natunghayan nating muli ang pangkaraniwang tema sa buhay ni Eliseo ang paggamit ng Diyos kay Eliseo upang tugunan ang mga pangangailangan ng Kanyang mga tao. Dito ang mga Israelita ay dumaranas ng taggutom dahil sila'y kinubkob ng mga taga-Siria. Nagwika si Eliseo na magpapadala ang Diyos ng maraming pagkain na magiging sobrang mura dahil sa karamihan. Ang sumunod ay isa na namang kamangha-manghang kwento sa buhay ni Eliseo kung saan nahantungan ng mga taga-Israel ang hukbo ng taga-Siria na lumisan iwan ang lahat ng mga pagkain at kagamitan. Muli, tinugon ng Diyos ang mga pangangailangan ng mga Israelita. Ang Diyos ay nariyan para sa kanyang mga nilikha at Siya ay nariyan para sa'yo.



Balikan ang mga panahong ikaw ay nangailangan. Pagmuni-munihan kung paano Niya patuloy na tinaguyod ang mga pangangailangan mo gaya ng ginawa sa mga taga-Israel. Sinasaad ng Mga Taga-Filipos 4:19 na ibibigay niya ang lahat ng inyong kailangan sa pamamagitan ni Cristo Jesus. Ang pangakong ito'y totoo libong taon na para sa mga taga-Israel at nananatiling totoo ngayon para sa'yo. Hindi ka iiwan ng Diyos at tutulungan ka Niyang matugunan ang mga pangangailangan mo gaano man ito kalaki. Sa anong mga paraan mo nakita ang Diyos na kumilos upang tugunan ang pangangailangan mo?