Eliseo: Kuwento ng Isang Katawa-tawang PananampalatayaHalimbawa

Sa 2 Mga Hari 8:1-6 ay ang isang kuwentong kamangha-mangha sa tiyempo. Dito nabasa natin ang pagbabalik ng babaing taga-Sunem na may anak na muling binuhay ni Eliseo sa 2 Mga Hari 4. Bumalik ang babae sa Israel dahil sa taggutom. Nang pumunta siya sa hari ay saktong nandoon din ang lingkod ng propeta si Gehazi na nagkukwento sa hari tungkol sa himalang ginawa ni Eliseo sa pagbuhay sa patay. Ang pagkakataong iyon kung saan nagkatagpo-tagpo ang babae at hari ang dahilan kung paano nakuhang muli ng babae ang lupain. Sa Diyos walang nagkataon lamang.



Pagmunihan ang mga pagkakataon sa buhay na akala mo'y nagkataon lang. Marahil ay makikita mo ang galaw ng Diyos na inakala mong nagkataon lang subalit sadyang tinadhana ng Diyos para sa'yo. Higit sa lahat, panatilihing handa para sa mga pagkakataong ito dahil magpapadala muli ang Diyos. Tibayan ang pananampalataya at sa halip na maghintay sa Diyos para sa mga 'nagkataong' pangyayari, maging maagap at hingin sa Diyos na ipagkaloob ang mga pagkakataong ito sa buhay mo ng mas madalas. Tandaan, walang nagkataon lamang kung lubusan mong ilalaan ang sarili para sa gawain ng Diyos. Ilarawan ang isang pagkakataon na nakaranas ka ng tamang tyempo. Paano mo nakita ang Diyos sa likod nito?