Reis Saam Met Jesus — 40 Dae Lydenstyd OordenkingVoorbeeld

Nadat Jesus die suur wyn gekry het, het Hy gesê: “Dit is volbring!” Toe het Hy sy kop vooroor laat sak en die laaste asem uitgeblaas.

Daardie drie woorde — Dit is volbring — is 'n verklaring van oorwinning.

Jesus gebruik 'n ongewone sinskonstruksie. (It is finished) Die korrekte taalgebruik sou wees: "It has been finished". 

Jesus het dit egter doelbewus so gebruik, om te verklaar dat die nagevolg van sy offer vir altyd is. Hy is vir vandag. Sy offer is vir nou, net soveel soos dit destyds was. 

Jesus het die taak voltooi waarvoor Hy gekom het. Dit was perfek gedoen. Hy het sy lewe tot die dood toe gegee. Hy het dit vir 'n sondige mensdom moontlik gemaak om 'n ewige verhouding met 'n heilige God te hê.

Niks hoef daarby gevoeg te word nie. Geen goeie werke nie. Nie meer offers nie. Dit was die grootste oorwinning in menseheugenis. Oorwinning oor sonde en die dood. 

Oordink

Glo ek dat ek oorwinning oor sonde het as gevolg van die kruis? Of voel ek dat ek nie heeltemal sterk genoeg is om die aanslae van verdorwenheid van die wêreld te weerstaan nie? Hou ek net aan die kruis vas vir my redding of ook vir daaglikse oorwinning oor sonde?

Gebed

Hemelse Vader, soms sondig ek uit gewoonte. Ek vergeet dat U die oorwinning behaal het. Help my om "dit is volbring" te begryp. Al wat ek doen is om die geskenk te aanvaar en rus te vind in dit wat U volbring het. Amen.