Reis Saam Met Jesus — 40 Dae Lydenstyd OordenkingVoorbeeld

Die toneel van Pilatus wat sy hande voor die skare was, is in ons kulturele denke vasgelê. Pilatus was oortuig dat Jesus onskuldig was van die aanklagte wat teen Hom gelê was. Sy vrou het hom ook daarteen gewaarsku. Daar was egter min wat hy kon doen om die kwaai skare te oortuig om Jesus los te laat. Hy het keer op keer probeer. Uiteindelik het hy handdoek ingegooi. Maar nie voor hy homself van enige verantwoordelikheid vrygespreek het nie.

Hy was 'n magtige man in 'n magtige posisie. Pilatus het geweet as hy sy voet sou neersit en die regte ding doen, sou hy sy posisie en mag in gevaar stel. Hy het dus die pad van die minste weerstand gekies; hy het gemaak soos 'n 1ste-eeuse, neutrale Switerserland, en nie standpunt ingeneem vir Jesus nie. 

In die strewe na mag, aansien en posisie, ly iets skade — die betekenisvolste een is ons karakter.

Oordink

In watter areas in my lewe moet ek standpunt inneem vir Jesus? Wanneer is die wêreld vir my meer belangrik as aanbidding? Is God besig om sekere areas in my lewe uit te wys waar ek "neutraal" was?

Gebed

Here, ek is jammer vir die kere toe my geloof louwarm was. Help my om nie toe te laat dat my aansien en posisie of my invloedsfeer voorrang geniet bo my geloof nie. Amen.