Reis Saam Met Jesus — 40 Dae Lydenstyd OordenkingVoorbeeld

Toe Jesus sy moeder gesien het en die dissipel vir wie Hy baie lief was, wat by haar staan, sê Hy vir haar: “Daar is u seun.” Daarna sê Hy vir die dissipel: “Daar is jou moeder.” Van daardie oomblik af het die dissipel haar in sy huis geneem.

Terwyl Jesus aan die kruis gehang het was sy woorde tot dusver op ander gerig. Hy het vergifnis gevra vir die mense wat Hom gekruisig het. Hy het die misdadiger in die koninkryk verwelkom. En in vandag se gedeelte maak Hy seker dat sy moeder, Maria, en sy dissipel, Johannes versorg is.

Selfs te midde van marteling en vernedering het Hy nie op Homself gefokus nie. Hy wou seker maak dat sy moeder versorg is. (Dit is 'n welbekende feit dat Maria se man, Josef, teen daardie tyd al dood was). Jesus wou vir Johannes, sy geliefde dissipel, die belangrike rol gee om vir Maria te sorg. 

Selfs vanaf die kruis het Jesus afstand gedoen van dit wat na aan sy hart was: sy moeder en sy beste vriend.

Oordink

Aan wat of wie hou ek te styf vas? Is God besig om my te oortuig om afstand te doen van iemand of iets en op Hom te vertrou vir daardie oorgawe?

Gebed

Vader, ek weet dat ek te veel vashou aan sekere persone en idees oor hoe die lewe behoort te wees. Ja, dis soms vreesaanjaend om afstand te doen, maar help my om te onthou dat ek daardie persone of dinge aan God oorgee, die Een wat sy enigste Seun na Golgota toe gestuur het om my onthalwe. Amen.