Reis Saam Met Jesus — 40 Dae Lydenstyd OordenkingVoorbeeld

Toe sê Jesus: “Vader, vergeef hulle, want hulle weet nie wat hulle doen nie!”

Selfs toe die spykers deur sy hande en voete gekap is, het Jesus hierdie woorde gesê. Met elke hamerslag.

Was die Romeinse soldate jammer? Het die Fariseërs enige berou getoon? Het hulle om verskoning gevra?

Nee.

Tog het Jesus hulle vergewe. Eensydige vergifnis. Dit was nie vir Hom nodig dat hulle jammer hoef te wees of om vergifnis hoef te vra nie. 

Hy het vir ons gewys wat dit beteken om afstand te doen van jou regte. Selfs jou reg tot vergelding. 

Deur dit te doen het Hy sonder 'n wrok gesterf. Hy het die woorde hardop gesê om vir ons te wys wat dit beteken om mense vry te maak van die greep van woede, en in ruil daarvoor, onsself vry te maak van die drukpot van bitterheid.

Oordink

Wie moet ek met vergifnis vrylaat net soos Christus my vergewe het? Is ek gewillig om afstand te doen van my reg op vergelding? Vertrou ek God om my en my saak te regverdig?

Gebed

Hemelse Vader, ek verdien nie die vergifnis wat U so vrylik aanbied deur u Seun nie. Ek bid dat U my sal help om afstand te doen van my reg om reg te wees en my reg op vergelding. Help my om te weet dat wanneer ek mense met vergifnis vrylaat, ek in der waarheid myself vrylaat om 'n meer vervulde, vryer lewe te leef. Amen.