Reis Saam Met Jesus — 40 Dae Lydenstyd OordenkingVoorbeeld

Soms moet ons net tot stilstand kom en toelaat dat die naakte waarheid insink. 

Vandag se gedeelte vereis nie verduidelikings of notas nie. 

Dit vereis diep, sielvolle oordenking oor alles wat Jesus vir my deurgemaak het.

Dit vereis dat ek nie die gewelddadigheid van daardie dag, 2 000 jaar gelede, verontagsaam nie. 

Dit vereis dat ek die Heilige Gees toelaat om die hardheid van my hart te versag.

Omtrent 200 soldate het rondom die Seun van God vergader, met die enigste doel om Hom te verkleineer en te martel.

Het jy gelees dat hulle hom gegésel het? Dit was nie 'n gewone sweep nie. Stukkies metaal en been was daaraan vasgemaak. Baie veroordeelde misdadigers het gesterf as hulle vel letterlik in stukkies geskeur was.

Het jy gelees hoe hulle hom keer op keer oor sy kop geslaan het? Met 'n stok. Op sy kop. Herhaalde kere. 

Het jy gelees hoe hulle Hom bespot het? Nadat hulle 'n pers mantel om Hom gegooi het, het hulle 'n doringkroon op sy kop gesit. Hulle het haatdraende woorde geuiter en op Hom gespoeg.

Vandag se gedeelte vereis nie verduidelikings of notas nie. 

Dit vereis diep, sielvolle oordenking oor alles wat Jesus vir my deurgemaak het.

Oordink

Het ek ongeërg geraak in my nadenke oor Christus se lyding? Laat ek toe dat die haat en seerkry van daardie dag verander wie ek is en Wie s'n ek vandag is?

Gebed

Here Jesus, ek kan nie eers begin om te verstaan watter marteling en vernedering U om my onthalwe deurgemaak het nie. My hart reageer egter met dankbaarheid. U is volkome perfek en lieflik. Amen.