Reis Saam Met Jesus — 40 Dae Lydenstyd OordenkingVoorbeeld

Eensklaps het al die dissipels verdwyn. Hulle het vir hulle lewens gevlug. 

As 'n mens terugkyk vanuit 'n 21ste-eeuse perspektief, is dit maklik om daardie dissipels te etiketteer as lafaards of drosters. Maar is ons enigsins anders as hulle?

Wat het veroorsaak dat hulle uitmekaar gespat het? Hulle het paniekerig geword toe die druk vermeerder en sig verloor van die ewigheid. Die sigbare en tasbare het hulle met vrees vervul. Hulle het tien teen een geredeneer dat dit nie veronderstel was hoe dinge moes uitwerk nie. Hulle leermeester en Here, vir wie hulle vir drie jaar gevolg het, het 'n nuwe koninkryk belowe. 'n Inhegtenisname deur 'n woedende klomp mans was nie in die prentjie nie.

Ons laat ook toe dat omstandighede te groot raak en God te klein. Ons vrees die onbekende. Ons neem haastig besluite in plaas daarvan om 'n God te vertrou wat altyd betyds is. 

Oordink

Wat doen ek as ek die onbekende in die gesig staar? Raak ek paniekerig? Of byt ek vas en vertrou op wat ek weet waar is van God?

Gebed

Vader, ek dank U dat U my vrees vir die onbekende vervang met 'n diepe vertroue in 'n oppermagtige God. Ek wil graag nader aan U kom, sodat my geloof die vrees sal verdryf en ek kan leer om in oorwinning te leef. Amen.