Oswald Chambers: Vreugde - Krag In Die Here

Bybeldagboek
Die vreugde wat 'n gelowige aan God kan gee, is die suiwerste blydskap wat God ooit aan 'n heilige toelaat, en dit is baie vernederend om te besef hoe min vreugde ons vir Hom gee. Ons plaas ons vertroue in God net tot op 'n sekere punt, dan sê ons: "Nou moet ek my bes doen." Daar is tye wanneer daar geen menslike beste is om gedoen te word nie. Tye wanneer die Goddelike beste aan die werk moet bly, en God verwag dat diegene van ons wat Hom ken, op Sy vermoë en krag sal vertrou. Ons moet leer wat hierdie vissers geleer het, dat die Timmerman van Nasaret beter as hulle geweet het hoe om die boot te stuur. Is Jesus Christus vir my 'n Timmerman, of is Hy God? As Hy net 'n mens is, waarom Hom toelaat om die boot se stuur te neem? Hoekom tot Hom bid? Maar as Hy God is, wees heldhaftig genoeg om tot die breekpunt te gaan maar nie jou vertroue in Hom te verbreek nie.



Oordenkingsvrae: Het ek al ooit die gedagte oorweeg dat ek vreugde aan God sou of kan gee? Weet ek wat vir God vreugde bring? Op watter maniere kan ek blydskap aan God gee?



Aanhaling uit: "The Place of Help", © Discovery House Uitgewers