Oswald Chambers: Vreugde - Krag In Die Here

Bybeldagboek
Meet jou diepste blydskap in God se waarheid en vreugde deur die klein dingetjies wat vir jou duidelik is. Daar is heelwat areas van God se karakter wat nog nie aan ons onthul is nie, en ons moet geduldig wees totdat God die dinge wat nog duister lyk, kan openbaar. Die gevaar bestaan dat ons, met die klein bietjie van die waarheid wat ons wel begryp, onsself sal verhef sodat ons ander oordeel. Die gevaar lê daarin om ons opvatting van God, soos gesmelte lood in ons spesiaal ontwerpte vorms te gooi, en dit dan, wanneer dit koud en hard is, teen die hoofde van die godsdienstige mense te slinger as hulle nie met ons saamstem nie.



Die besef om deur genade uitgekies en weergebore te word, en om daardeur volmaak toegerus te wees om God te verheerlik, is die mees vreugdevolle besef.



Oordenkingsvrae: Wat is vir my duidelik van God? Is dit genoeg om my vreugdevol te maak sonder om my veroordelend te maak? As alles wat ek van God weet al is wat daar is om van God te weet, watter rede sou ek vir blydskap hê?



Aanhalings uit "Notes on Isaiah" en "Notes on Ezekiel", © Discovery House Uitgewers