Leesplanne vir...

Ons stryd is nie teen vlees en bloed nie. Voel dit vir jou asof jy nie oorwinning in die stryd behaal nie? Het jy al jou uitdagings vanuit 'n geestelike perspektief benader? Oorwinning in hierdie stryd word behaal deur die ses waarhede van die wapenrusting elke dag deel van jou lewe te maak. As jy vir jou geestelike stryd moed nodig het, gaan hierdie leesplan jou help!

Die Wapenrusting - Klere Vir Die Okkasie

Hierdie leesplan sal jou help om in een jaar regdeur die Nuwe Testament te lees.

Lees Deur die Nuwe Testament

Die Heilige Gees is God wat binne-in jou woon, in jou gedagtes praat en jou nader aan Hom lei. Hy moedig jou altyd aan om nie net die regte ding te doen nie, maar ook die Goddelike ding. Hy is daar om jou te help om keuses te maak en dinge te doen wat jou lewe sal verander. Pak hierdie 6-dag reis aan om te verstaan wie Hy is en hoekom jy nie 'n Goddelike lewe sonder Hom kan leef nie.

Wie is die Heilige Gees?

Hoe sou dit wees om as 'n volgeling van Jesus, nie 'n geestelike kontrolelys hoef af te merk nie, maar eerder op 'n avontuur te gaan? Hierdie 15-dag leesplan kan ons op die groot avontuur lei om God te leer ken. Gebaseer op video's, sluit dit die volgende in: onderhoude, gesproke woord, gedigte, liedere, die dissiplines van gebed, hoe om die regte mense in jou lewe te hê, en hoe om met passie te leef. 

Die Groot Avontuur

Wat is God se plan vir jou lewe? Dit is een van die mees algemene vrae wat ons almal as volgelinge van Christus het. Maar as ons eerlik is, kan die idee van God se plan vir ons lewens 'n bietjie oorweldigend wees. Tydens hierdie 6-dag Bybelleesplan sal ons leer dat God se plan nie so ingewikkeld is as wat ons dikwels dink nie, maar dat dit veel beter is as wat ons onsself kan voorstel. 

God Se Plan Vir Jou Lewe

Die gemiddelde persoon bestee 7,4 uur per dag deur na skerms te staar. Ons is lief vir die ongelooflike voordele van tegnologie, maar baie van ons vermoed daar is negatiewe gevolge aan die gebruik daarvan. As jy voel jou digitale afhanklikheid word onhanteerbaar, sal hierdie 7-dag leesplan jou help om weer 'n Christus-gesentreerde lewe te leef. Gebaseer op die boek Liking Jesus: Following Jesus in a Selfie-Centered World, deur topverkoper, skrywer en pastoor van Life.Church, Craig Groeschel.



Hou Van Jesus

Spanning is 'n werklikheid, maar dit hoef nie jou lewe te beheer nie. Deur Christus kan ons dit hervorm, herfokus en herdefinieer. As jy met spanning sukkel, kyk na hierdie 5-dag leesplan en vind uit hoe om vryheid en vrede te verkry.

Vind Bevryding van Spanning

’n Positiewe gesindheid van dankbaarheid lei daartoe dat ’n mens gelukkig is. Dit lei daartoe dat ’n mens meer positief teenoor die lewe is. Dit maak dat ’n mens mooi en goeie dinge wat met jou gebeur opreg waardeer. ’n Dankbare mens is ’n opgeruimde mens en trek ander mense aan. Moenie goeie dinge wat met jou gebeur as vanselfsprekend aanvaar nie. Kies vir ’n ingesteldheid van dankbaarheid. 

Fokus op dankbaarheid

Dis ‘n groot troos om Hebreërs 7:25 te lees.  Of jy nou ‘n baba of kleuter is; of jy skoolgaan, ‘n tiener of student is; of jy getroud of in jou ouderdom is: As jy jou hart vir Jesus Christus gegee het, is Hy daar om vir jou in te tree by God die Vader, want Hy leef vir altyd. 

Toemaar, Jesus is daar.

Ons maak elke dag keuses wat ons lewensverhaal bepaal. Hoe sou jou lewe lyk as jy foutlose keuses kon maak? In die Goddelike Leiding-leesplan, moedig Craig Groeschel, die New York Times se topverkoper skrywer en senior pastoor van Life.Church, jou aan met sewe beginsels uit sy boek: "Divine Direction", om jou te help om Goddelike wysheid vir jou daaglikse besluite te vind. Ontdek die geestelike leiding wat jy nodig het om 'n storie wat God eer, uit te leef — een wat jy graag sal wil oorvertel.

Goddelike Leiding

Die Spreekwoordelike Meisie is met snaakse, inspirerende en uitdagende verhale gevul wat bestem is om jong dames te leer hoe om NOU soos 'n spreekwoordelike meisie te wandel! Dit word gedoen deur gebruik te maak van die wysheid in Spreuke 31. Skrywer Lisa McClendon-Brailsford, is jou "Ousus" vir die volgende sewe dae. Jy is nie alleen nie. Iemand bid vir jou en moedig jou aan terwyl jy hierdie leesplan voltooi. Vir die volledige uitgawe van die boek, kan jy afterthemusicstops.org besoek.


Spreekwoordelike Meisie: Wysheid, Waardes en om Fabelagtig te wees

God roep ons om heilig te wees en heilige lewens te lei. Wat beteken dit egter? In hierdie 5-dag leesplan sal ons ondersoek wat heiligheid regtig vir ons lewens beteken.

Afgesonder

Soms kan mens verslaan voel omdat die lewe jou om elke hoek en draai verras — goed of sleg. Meestal is die verrassing 'n uitdaging en dan moet jy deurdruk. Maar jou wil en fokus ontbreek. Dis dan waar die tekkie die teer slaan.

Tyd om te Staan!

Mense wat dankbaar is, is gelukkiger, slaap beter, fokus beter en is makliker om mee oor die weg te kom. Om meer dankbaar te leef is seker iets waarna ons almal streef. Ons leer hoe ons elke dag dankbaar kan wees, waarvoor ons dankbaar kan wees en hoe om in dankbaarheid te leef.  

100 dae van dankbaarheid

As ons Jesus met ander wil deel, moet ons soos Hy leef, soos Hy liefhê en soos Hy luister. In hierdie 5-dag leesplan gaan ons Jesus se lewe van naderby bekyk om te sien hoe ons behoort te leef.

Om Soos Jesus te Leef

Invloed is oral om ons. Met soveel stemme, hoe kies ons op ‘n wyse manier na wie om te luister? Terselfdertyd word ons geroep om invloedryk te wees. Waar begin ons egter? In hierdie 5-dag leesplan sal ons leer hoe gevaarlik invloedryk die wêreld kan wees, maar hoe ons self ook gevaarlik invloedryk kan wees.

Gevaarlik Invloedryk

Goeters. So dikwels kom dit voor asof ons lewens gedefinieër word deur wat ons besit. Hoe kan ons 'n balans vind met ons besittings? In hierdie leesplan deur finds.life.church, sal jy uit ander se ondervindings leer hoe hulle God sien werk het.

Besittings

Watter raad het 'n paar minder bekende Bybelse figure om aan Millenniërs en/of dié van Generasie Z, te gee? Vind uit in hierdie 6-dag leesplan.

Rigtingwysers vir die Lewe

Hoe reageer ons wanneer die lewe nie uitwerk soos ons beplan het nie of wanneer ons 'n ompad neem? Wanneer ons verandering ervaar, is dit maklik om oorweldig te word met gevoelens van verwarring, woede en teleurstelling. God wil egter iets beter vir ons gee. Leer hoe jy kan begin om verandering te koester, selfs te midde van ‘n chaotiese proses.

Vind Betekenis te Midde van Verandering 

Wat sou Dawid, Moses, Daniël, Petrus, Rut en Jesus vir Millenniërs en/of Generasie Z te sê hê? Vind uit in hierdie 6-dag leesplan waarin ons ongewone raad vanuit welbekende Bybelstories gee.

Ongewone Raad

Ons moes almal op een of ander stadium in ons lewens konflik hanteer. Hoekom? Ons is mense, en mense maak foute! Ons hoef egter nie bang te wees vir konflik nie. Trouens, gesonde konflik kan tot gesonder verhoudings lei. Deur middel van hierdie 5-dag leesplan, gaan ons kyk hoekom konflik vir God saak maak en hoe ons kan begin om reg op te tree teenoor ander. 

Om Reg Op Te Tree Teenoor Ander

In ons vinnig veranderende en geweldig uitdagende wêreld, het ons wysheid nodig om te leef. Ons samelewing trek en stoot ons in verskillende rigtings, en in hierdie onrus het ons 'n geesteskompas nodig om ons op die regte pad te lei. Ons het wysheid nodig om reg te leef. In dié sewe-dag leesplan, hoofsaaklik op Spreuke gebaseer, verken ons hierdie onderwerp soos aangebied deur Salomo.

Wysheid om Reg te Leef

Ses kontrolepunte om voluit te leef voor jy doodgaan. Die lewe daar buite is wild. Ons wil jou nooi om die ses belangrikste punte in jou lewe te ondersoek. Jy het elke dag daarmee te doen en dit kan maak dat jy voluit lewe, of glad nie die lewe geniet nie. Struikelblokke in jou pad, beïnvloed jou emosies, vriendskappe en verhoudings teenoor ander; en hoe jy teenoor Jesus leef. 

Into the Wild

Wanneer jy 18 word, voel dit of jy jou lewe in orde moet kry. Wat as jy dit nie regkry nie? Die plek waar jy nou is, is dalk nie die plek waar jy gedink het jy nou sou wees nie. Jy is nie die enigste een nie. Kom ons beredeneer die lewe se belangrike vraagstukke in hierdie 7-dag leesplan vir jongmense deur Versameling van Life.Church.

Versameling: Vind Saam Die Lewe

Hierdie leesplan sluit sewe daaglikse oordenkings in. Dit is gebaseer op Louie Giglio se studieplan “Relat(able): Making Relationships Work”. In hierdie leesplan gaan ons uitvind hoe ons aanklank vind by ander mense, hoe God vrede skep in 'n tyd van stryd, en hoe ons kan help om gebroke verhoudings wat skynbaar onherstelbaar is, te herstel.

Hoe Om Verhoudings Te Laat Werk

Jongmense

Die werk van 'n enkelma is moeilik en soms eensaam, maar dit is ook die belangrikste rol wat jy ooit sal speel. Die waarheid is, God het jou gekies en toegerus om jou gesin te lei. In hierdie 6-dag leesplan, sal jy hulpbronne en Skrifgedeeltes ontdek wat jou sal help om te genees van jou verlede, jou bemoedig in jou hede, en hoop gee vir jou toekoms. 

Lewe Veranderd: As 'n Enkel Ma

Vriendskap met God handel oor wat dit behels om 'n verhouding met God te kweek. Regdeur die Skrif vind ons baie name vir God. Trooster, Here, Beskermer, Voorsiener, en nog ander. Een van die name wat Hy Homself genoem het en wat my diep getref het, is dat Hy Homself my vriend genoem het. Hoe anders sou die lewe wees as ons leef asof God werklik ons vriend is? Dit het my lewe verander en ek hoop dit sal joune ook verander!

Vriendskap Met God

Om uit te gaan en te trou is waarskynlik die onderwerpe waaroor daar die meeste gepraat word onder jong mense en selfs volwassenes. Dit maak sin, aangesien om 'n lewensmaat te kies die tweede belangrikste besluit is, na jou besluit om Christus te volg, wat jy ooit in jou lewe sal neem. In hierdie leesplan, sal jy ontdek hoe om op God se manier met iemand uit te gaan en sal jy 'n paar sleutel beginsels leer van 'n suksesvolle verhouding.

Enkellopend, Gereed om te Meng

Ons het almal verwagtinge van hoe ons lewens moet wees. Dalk het jy verwag om teen hierdie tyd al getroud te wees, maar in plaas daarvan is jy nou eensaam, verlore of sonder hoop. Die waarheid is egter dat jy nie getroud hoef te wees om vreugde te ervaar en jou roeping uit te leef nie. Hierdie 5-dag leesplan sal jou help om vandag doelgerig te lewe en met hoop op die toekoms.

Lewe Veranderd: Wanneer Jy Enkellopend Is

Voel dit asof jou lewe buite beheer is? Miskien het jy onverklaarbare gevoelens van skuld, vrees, wrewel, magteloosheid, woede of diep emosionele pyn wat verband hou met mense wat jy ken. In hul boek "BOUNDARIES" help Drs. Henry Cloud en John Townsend jou om te leer wanneer om ja te sê en te weet hoe om nee te sê om beheer oor jou lewe te neem. Hierdie leesplan sal jou help om grense te begin stel. 

Grense 101

God haat nie romantiese afsprake nie, maar Hy het 'n mening oor verhoudings. Hy haat nie romantiese afspraak-toepassings nie, maar Hy wil hê jy moet wys wees hoe jy na liefde soek. Verken wat God dink oor die plekke waarheen jy gaan, met wie jy uitgaan, hoe jy jou gedra en wat jy op jou romantiese afsprake doen om seker te maak dat jy daarvoor gereed is en dit vir die regte redes doen, op 'n wyse wat God vereer en verheerlik.

God en Romantiese Afsprake: Gedagtes oor Verhoudinge. 

Is jy moeg vir romantiese afsprake wat misluk of op 'n ramp uitloop en jou teleurstel? Hierdie vyf-dag leesplan pak die bul by die horings en gee vir jou 'n praktiese plan wat jou sal help om 'n gesonde en genotvolle afspraak te hê. Die leesplan deel beproefde beginsels en wenke met jou, wat regdeur jou verhoudingsreis toegepas kan word.

Romantiese Afsprake: Perke, Seks en Realiteit

Nog steeds enkellopend, alhoewel jy dalk eerder getroud wil wees? Lisa Anderson, gasheer van die "Boundless-potgooi" is ook enkellopend. In haar tipiese humorgevulde styl, bied sy goeie Bybelse insigte en bemoediging wat uit haar nuwe boek, "The Dating Manifesto", kom.

Die Manifes vir Romantiese Afsprake

Wat doen jy terwyl jy wag? Stagneer jy jaar na jaar? Verwerp jy die idee van groei? Hou jy op om aan jou droom te werk? Hou jy op om God en ander te dien? Die antwoord is NEE. Enkellopenheid is 'n tyd om te FLOREER

Floreer as Enkellopende Deel Twee

Groepsdruk kan 'n goeie ding wees, maar dit kan ook 'n slegte werklikheid word. God het ons geroep om 'n lewe te lei wat aan Hom toegewy is — om dus sy standaarde te ken en te verstaan, is by verre die belangrikste. In hierdie sewe-dag leesplan sal jy krag vind om die druk te hanteer en regdeur jou lewe wyse besluite te neem.

Groepsdruk

Die lewe as 'n enkellopende Christen is goed. Ongeag wat mense dink, is dit nie 'n siekte om enkellopend te wees nie. Enkellopend is nie 'n plan B nie. Enkellopend is God se geskenk aan elke enkellopende Christen. In hierdie 14-dag leesplan, wat gebaseer is op die boek Thrive van Lina AbuJamra, word enkellopende Christene uitgedaag om te floreer in hulle lewens wat God hulle hier op aarde gegee het. 

Floreer: 'n 14-Dag Oordenking Vir Enkellopendes

Enkellopendes

Eens op 'n tyd het 'n man sy eie dood voorspel. Hy het ook voorspel dat Hy net vir drie dae dood sou wees en dit was so! Jesus se dood en opstanding is die merkwaardige waarhede van die Paasverhaal. Christene vier nog steeds die dag. Wat beteken dit egter alles vir jou? Hierdie leesplan sal jou help om die geheimenisse van die prag van Paasfees te verstaan!  

Waaroor gaan Paasfees?

Ons lewe in 'n era van spoed en gerief. Dit wil voorkom asof ons, as mense, al hoe ongeduldiger word. Waar kom die ongeduld vandaan? Hoe beveg ons dit? Kom saam op hierdie 10-dag reis waar ons dit uitpluis.

Dit is maklik om verlore te raak in dít waarvoor jy bekend is en om dan te mis deur wié jy geken word. Die Woord van God het baie te sê oor jou, wie jy is en wie Hy jou gemaak het om te wees. Hierdie 10-dag leesplan sal jou help deur jou op reis te neem om jou ware identiteit te ontdek.

Bekend: 10 Dae om Jou Identiteit te Ontdek

Word jy ooit wakker en dan is jy in 'n slegte bui? Of het jy 'n emosionele uitbarstings? Val jy in die strik van haarklowery oor elke klein foutjie wat jy dink jy het? Ugh. Dit is nie pret nie. God wil egter nie hê ons moet so lewe nie. Hierdie leesplan sal jou help om die waarhede van Fillipense hoofstuk 4 te leer. Dit sal jou help om versigtig te wees waaroor jy dink!

Wees Versigtig Waaroor Jy Dink

Kinders, julle kan heerlike gesprekke met julle gesinne voer oor hoe om Jesus te volg en gedoop te word! Hierdie leesplan sluit video's in, asook vrae, wat julle kan help om 'n vrymoedige gesprek met julle gesinne te begin. As jy nog ondersteuning nodig het, nooi jou jeugpastoor of 'n ander gemeenteleier uit om ook saam met jou deur die leesplan te werk. Hierdie leesplan is so uiteengesit dat dit jou en jou gesin sal help om inligting, idees, onsekerhede, en geloofskwessies te verwerk.

Wat Is die Doop? 'n Gids vir Ouers en Pretieners

Is jy gereed? Gereed vir enigiets? As jy gereed wil wees vir meer vryheid, meer vertroue en meer onafhanklikheid, dan moet jy dit inoefen. Waarvoor moet jy oefen, vra jy? Oefen om met 'n Goddelike karakter te lewe! Hierdie ses-dag leesplan met videosnitte van "The Loop Show" sal jou leer om karaktereienskappe soos eerlikheid, nederigheid, volharding — Goddelike karakter — in te oefen sodat jy vir enigiets gereed sal wees.

Karakter Oefening

'n Spel-wisselaar maak 'n betekenisvolle verandering in die rigting van 'n spel. Jesus was 'n spel-wisselaar vir 'n verlore wêreld. En raai wat? Jy kan 'n spel-wisselaar vir ander wees deur hulle te vertel wat Jesus vir jou gedoen het. Evangelisasie is 'n groot woord met groot verantwoordelikheid, maar dit is eintlik baie eenvoudig. Hierdie leesplan sal tieners help verstaan hoe om die evangelie met deernis en respek te deel.

Wees 'n Spel-Wisselaar

God het deur die Bybel op verskillende maniere vir sy kinders gesorg. Soms het Hy mense gebruik – mans, vroue en ook jongmense – en ander kere het Hy ongelooflike wonderwerke gedoen, alles om vir sy kinders te wys dat Hy by hulle is en hulle sal beskerm. Hierdie sewe dagstukkies, met ’n vraag aan die einde van elkeen, sal kinders en jong tieners meer leer oor God en die Bybel.

God sal sorg

Een van die mees ingrypende waarhede oor Jesus, is dat Hy die aand voor sy kruisiging, al het Hy geweet dat Hy oor alles en almal mag het, nogtans gekies het om mense te dien. In hierdie 7-dag leesplan kan kinders en tieners meer leer oor Jesus en Paasfees met ’n Bybelvraag en nadink-vraag by elke stukkie wat ideaal vir besprekings rondom Paasfees is.

Paasfees!

Wil jy altyd net 'n bietjie meer hê? Nog 'n paar duur tekkies. Nog 'n skaatsplank. Meer lekkergoed. Meer rekenaarspeletjies. Wat jou gunsteling ding ook al is, jy wil net meer daarvan hê! Hierdie leesplan sal jou leer om dankbaar te sê: "Ek het genoeg." Jy sal besef dat dit jou gelukkiger sal maak wanneer jy soos Jesus lewe en vra: "Hoeveel kan ek gee?" in plaas van: "Hoeveel kan ek kry?"

Leesplanne vir...

Jongmense

Die Wapenrusting - Klere Vir Die Okkasie

Lees Deur die Nuwe Testament

Wie is die Heilige Gees?

Die Groot Avontuur

God Se Plan Vir Jou Lewe

Hou Van Jesus

Vind Bevryding van Spanning

Fokus op dankbaarheid

Toemaar, Jesus is daar.

Goddelike Leiding

Spreekwoordelike Meisie: Wysheid, Waardes en om Fabelagtig te wees

Afgesonder

Tyd om te Staan!

100 dae van dankbaarheid

Om Soos Jesus te Leef

Gevaarlik Invloedryk

Besittings

Rigtingwysers vir die Lewe

Vind Betekenis te Midde van Verandering

Ongewone Raad

Om Reg Op Te Tree Teenoor Ander

Wysheid om Reg te Leef

Into the Wild

Versameling: Vind Saam Die Lewe

Hoe Om Verhoudings Te Laat Werk

Enkellopendes

Lewe Veranderd: As 'n Enkel Ma

Vriendskap Met God

Lees Deur die Nuwe Testament

Enkellopend, Gereed om te Meng

Lewe Veranderd: Wanneer Jy Enkellopend Is

Grense 101

God en Romantiese Afsprake: Gedagtes oor Verhoudinge.

Romantiese Afsprake: Perke, Seks en Realiteit

Die Manifes vir Romantiese Afsprake

Floreer as Enkellopende Deel Twee

Groepsdruk

Floreer: 'n 14-Dag Oordenking Vir Enkellopendes

Kinders

Waaroor gaan Paasfees?

Wag

Bekend: 10 Dae om Jou Identiteit te Ontdek

Wees Versigtig Waaroor Jy Dink

Wat Is die Doop? 'n Gids vir Ouers en Pretieners

Karakter Oefening

Wees 'n Spel-Wisselaar

God sal sorg

Paasfees!

Hoeveel Is Genoeg?