கிறிஸ்துவைப் பின்பற்றுவதன் பலன்

இயேசுவைப் பின்பற்றியவர்கள் அவர் செய்த அனைத்தையும் மிக அருகில் இருந்து பார்த்தார்கள். அற்புதங்களையும்,மீட்பையும்,மரித்தோர் உயிருடன் எழுப்பப்படுவதையும்,தள்ளுண்டவர்களும் நிராகரிக்கப்பட்டவர்களும் நிபந்தனையின்றி ஏற்றுக்கொள்ளப்படுவதையும் பார்த்தார்கள். பெருகிய அப்பத்திலிருந்து திருப்தியாகச் சாப்பிட்டார்கள்,புயல் வீசும் கடலை அமர்த்தியதைப் பார்த்தார்கள் மற்றும் தாங்கள் சேர்ந்து சாப்பிட்டிருக்கவே கூடாதவர்களுடைய வீடுகளுக்குச் சென்றார்கள்!

நீங்களும் நானும் உண்மையாக இயேசுவைப் பின்பற்றும்போது,நமக்கும் இந்த அனுபவங்கள் கிடைக்கின்றன. தம்மை விசுவாசிக்கிறவன் தாம் செய்த கிரியைகளிலும் மேலான கிரியைகளைச் செய்வான் என்று இயேசுவே சொல்லியிருக்கிறாரே.

அது ஆச்சரியமானதல்லவா?

ஆனால்,நாம் இயேசுவை அந்த அளவுக்கு நெருக்கமாகப் பின்பற்றத் தீர்மானிப்போமா? என்பதுதான் இங்கு கேள்வி.

நான் அனுதினமும் என் சிலுவையை எடுத்துக்கொண்டு,என்னையே வெறுத்து,என் முழு இருதயத்தோடும்,முழு ஆத்துமாவோடும்,முழு மனதோடும்,முழு பலத்தோடும் அவரைப் பின்பற்ற விரும்புவேனா?

இந்தக் கேள்வியை நீங்கள் சாதாரணமாக எடுத்துக்கொள்ளக் கூடாது. இதற்காக நீங்கள் செலுத்த வேண்டிய விலைக்கிரயத்தை மனதில் கொள்ள வேண்டும் என்றாலும்,அத்தகைய அர்ப்பணிப்புள்ள வாழ்க்கைக்குக் காத்திருக்கும் எண்ணற்ற பலன்களையும் மனதில் கொள்ளுங்கள். இப்படி நீங்கள் இயேசுவோடு நெருங்கி நடக்கத் தீர்மானிக்கும்போது,சீஷர்கள் இந்த உலகத்தில் இயேசுவைப் பின்பற்றும்போது அனுபவித்து மகிழ்ந்த அதே காரியங்களை நீங்களும் அனுபவித்து மகிழ்வீர்கள். அது மட்டுமல்ல,அவரைக் காணாமலே நீங்கள் அவரை விசுவாசிப்பதால்,உங்களுக்குக் கிடைக்கும் பலன் அதைவிட மேலானதாக இருக்கும். அதோடு,நாம் மட்டுமல்ல,நம்மைச் சுற்றியிருக்கும் உலகத்திற்கும் மறுரூபத்தைக் கொண்டு வரும் உள்ளுணர்வுடனும்,வல்லமையுடனும் வாழ நமக்கு உதவிச் செய்யும் பரிசுத்த ஆவியானவர் என்னும் நம்பமுடியாத ஈவையும் பெற்றுக்கொள்வீர்கள்!

எங்களுடன் சேர்ந்து இயேசுவைப் பின்பற்றும் பரவசமான பயணத்திற்கு நீங்களும் ஆயத்தமா?

அறிக்கை: இந்த உலகத்திலேயே நான் தேவராஜ்யத்தைக் காண்பேன்,எனக்குள் இருக்கும் கிறிஸ்துவுக்கு நன்றி.