இயேசுவுடன் முகமுகமாகமாதிரி

அவரைப் பின்பற்றும் இருவர் எம்மாவு ஊருக்கான சாலையில் நடந்து சென்று கொண்டிருந்தபோது இயேசு மர்மமாக நடந்து கொண்டார். தன்னை அவர்களுக்குக் காட்டவில்லை. அவருடனே சேர்ந்து அவர்களது சிந்தனைகளையும் உணர்வுகளையும் அலசிப்பார்க்க அனுமதித்தார். பின்னர் அவர் மோசேயின் காலம் முதல் தீர்க்கதரிசிகள் காலம் வரை இருந்த உண்மைகளைச் சொல்லி அவற்றுக்கு இடையில் உள்ள புள்ளிகளை இணைக்க உதவினார். அவர் வந்தது ஏன்,மரித்து உயிர்த்தது ஏன் என்று விவரித்தார். அவர் அவர்களுக்குக் கற்றுக் கொடுத்துக் கொண்டிருந்தபோது,அவர்களுக்குள்ளே அவர்களது இருதயங்கள் கொளுந்துவிட்டு எரிவதை உணர்ந்தார்கள்.

இதைத் தான் உயிர்த்தெழுந்த இரட்சகர் செய்வார். அவரது ஆவியானவர் நம்முடன் துணையாக இருந்து,அவரது வார்த்தையின் மறைபொருட்களை நமக்கு வெளிப்படுத்துவார். நம் வாழ்வின் புள்ளிகளை இணைத்து நமக்கு ஏற்படும் நிகழ்ச்சிகளுக்கான அர்த்தத்தை விளங்கச் செய்வார். நமது இருதயத்துக்குள்ளே ஒரு பற்றி எறியும் வாஞ்சையைப் போடுவார். உயிர்த்தெழுந்த கடவுளின் ஆவி நமக்குள்ளும் நம் மூலமாகவும் அசைவாடாமல் நம்மால் வாழ முடியாது.

உங்களுக்கு நீங்களே கேட்டுக்கொள்ள கேள்விகள்:

ஒரு உயிர்த்தெழுந்த வாழ்வை வாழ நீங்கள் ஆயத்தமா?

கடவுளின் ஆவியானவர் உங்களை இந்த வருடத்தின் எஞ்சிய நாட்களில் வழிநடத்துவதற்கு அவருக்கு இடம் கொடுப்பீர்களா?