Adroddwyr StraeonSampl

lESU'N GALW'R DISGYBLION

Wyt ti erioed wedi meddwl pam y penderfynodd y disgyblion adael popeth ar ôl: swydd, teulu, busnes, a bywyd fel yr oedden nhw’n ei adnabod - i ddilyn Iesu? Doedd ganddyn nhw'r mo’r Efengylau i ddweud diwedd y stori wrthyn nhw; nhw oedd y rhai a fyddai'n dyst i'r penodau olaf hynny! Felly pan estynnodd Iesu'r alwad i "ddilyn fi," pam aethon nhw? Y pysgotwyr caled hyn, perchnogion busnesau bach gyda theuluoedd - sut allen nhw ollwng popeth dim ond i ddilyn Iesu? Mewn gwirionedd, wnaethon nhw ddim - dim ar unwaith. Dechreuodd eu straeon am ddod i adnabod Iesu mewn gwirionedd yn llawer cynharach.

• Dechreuodd gydag Andreas. Un diwrnod, yn ystod cyfnod o adfywiad ymhlith y bobl Iddewig, wnaeth Iesu ymddangos, a chafodd ei fedyddio gan Ioan Fedyddiwr. Galwodd athro a phroffwyd adnabyddus, Ioan Fedyddiwr, Iesu yn ‘Oen Duw,’ sy’n golygu’r un a fyddai’n tynnu pechodau’r byd i ffwrdd. Roiedd Andreas, dilynwr Ioan Fedyddiwr a darpar ddisgybl i Iesu, am wybod mwy.. Ai Iesu oedd yr Achubwr mewn go iawn? (Ioan 1:35-37)
• Dwedodd Andreas hyn wrth ei frawd. Ar ôl siarad ag Iesu, cyflwynodd Andreas ef i’w frawd, Simon. Ailenwodd Iesu Simon, Ceffas, neu Pedr, a oedd yn golygu ‘y graig.’ Yn sydyn, cafodd Iesu sylw llawn Pedr. (Ioan 1:40)
• Roedden nhw'n dystion i wyrthiau. Dechreuodd gweinidogaeth Iesu yn nhref fach Capernaum, yr un dref lle’r oedd Andreas a Simon Pedr yn byw ac yn dystion uniongyrchol i wyrthiau Iesu. (Luc 4:31-41)
• Wnaeth Iesu gyfarfod ag anghenion personol a phroffesiynol. Iachaodd Iesu fam-yng-nghyfraith Simon Pedr ac yn ddiweddarach perfformiodd wyrth pysgota – maes arbenigedd proffesiynol Andreas a Simon Pedr. (Luc 4:38-39, Luc 5:4-7)

Ac

yna digwyddodd – yr alwad i ddilyn Iesu. Agorwyd llygaid Simon Pedr o'r diwedd, gan gydnabod ei bechod. Yn yr eiliad honno o argyhoeddiad, o sylweddoli sancteiddrwydd, mawredd, ac aruthredd Iesu, roedd Pedr yn barod i ollwng popeth i ddilyn Iesu.

Wyt ti'n barod am alwad Iesu yn dy fywyd? Efallai dy fod ti newydd ddechrau dod i adnabod Iesu. Efallai dy fod ti wedi bod yn chwilio ers tro bellach. Ond dydy dod yn Gristion ddim yn ymwneud â gwybod PWY yw Iesu yn unig – Mae'n ymwneud ag ymateb i'w alwad "Dilyn Fi." Y cwestiwn yw: Sut fyddi di'n ymateb?