"Ang Iba Pang Anim" na Serye ng mga DebosyonalHalimbawa

Pag-aanyaya sa mga Taong Pumunta sa Simbahan // Unang Bahagi: Pinagsisikapan ang Karapatang Magsalita

Ang taludtod na ito ang kabuuan ng lahat ng ito. Nagkakaroon tayo ng karapatang marinig dahil ang mga sumasalungat sa atin ay walang masabing masama laban sa atin. Hindi ibig sabihin nitong tayo ay tila perpekto na o ayaw nating amining hindi tayo perpekto. Ang ibig sabihin lamang nito ay mayroon tayong karangalan at sa bawat pagpapasyang ginagawa natin, nauunawaan nating ang ating mga pagpili ay hindi lamang makakaapekto sa atin kundi maging sa ating Simbahan at sa mga taong nakapaligid sa ating hindi nakakakilala kay Jesus. Para sa kanilang kapakanan, sinisikap nating magkaroon ng tamang katayuan sa mga tao. Katulad ng sinabi na natin dati, maaaring tayo lamang ang tanging kinatawan ng Diyos sa kanilang buhay.

Mga Praktikal na Hakbang: Ngayong umaga, maglaan ng maikling panalangin para sa mga unang tatlong taong pumasok sa iyong isipan kapag nag-iisip ka ng mga taong nangangailangan kay Jesus. Hilingin sa Diyos na gamitin ang iyong karangalan upang maabot ang kanilang mga puso at maituro sila patungo kay Jesus.