Fearless: A Six-Week Journey Halimbawa

IKA-LIMANG LINGGO: PAGKATAKOT SA DIYOS

ANG TUBIG NG KANYANG SALITA
Basahin ang Mga Awit 19 at ang Mga Awit 29. Ano ang natututunan mo tungkol sa Diyos at sa Kanyang kapangyarihan, sa Kanyang mga pamamaraan, at sa Kanyang salita mula sa mga awit na ito?

LUMAKAD SA KATOTOHANAN
Ang Mga Awit bang nabasa mo ngayong araw na ito ay nakatulong upang magkaroon ka ng higit na pagkakaunawa kung sino talaga ang Diyos? Isa sa mga pinakamahalagang katotohanan na maaari nating sabihin sa sarili natin sa araw-araw ay ang katotohanang ang Diyos ay Diyos at tayo ay hindi. Siya ay hari, Siya ang Panginoon! Nakaupo Siya bilang HARI ng baha! Walang makakapigil sa Kanyang kamay. Walang maaaring hawakan hanggang hindi Niya pinahihintulutan. Siya ay Diyos at Siya ay mabuti sa lahat ng oras. Ang Kanyang mga layunin at ang Kanyang katangian ay walang kapintasan at banal at makatuwiran at makatarungan.

ITUON MO ANG MGA MATA NG IYONG PUSO
Tahimik na bigkasin ang mga bersikulo para sa araw na ito sa iyong sarili. Itago ito sa iyong puso, pagnilayan, at gawing panalangin sa buong araw.

Mga Taga-Galacia 2:20
Hindi na ako ang nabubuhay ngayon kundi si Cristo na ang nabubuhay sa akin. At habang ako ay nabubuhay pa sa katawang-lupa, Mamumuhay ako sa pananalig sa Anak ng Diyos na umibig sa akin at naghandog ng Kanyang buhay para sa akin.