Banal na mga Damdamin - Maka-Bibliang Tugon sa Bawat PaghamonHalimbawa

Ang isa sa mga nakakapagpaginhawang ehersisyong pang-araw-araw na maaari mong salihan ay ang piliing maglaan ng oras para sa pagsamba. Napakahalagang maunawaan mo na ang oras na ginugugol sa lubos na pagsamba ay magbibigay sa iyo ng kakayanang mapaglabanan ang mga bagyo ng buhay. Ang pagsamba sa Diyos habang naliligo, nagmamaneho o kahit habang naglalakad ka ay magbibigay sa iyo ng makalangit na pananaw tungkol sa iyong mga kalagayan. Ang pag-awit habang naghuhugas ng pinggan o nagtitiklop ng mga damit ay ay magbibigay ng kakaibang lukso sa iyong paghakbang at kagalakan sa iyong puso. Katulad ka ba ng ibang mga nangangayayat sa espiritwal na buhay bilang Cristiano na umaawit lamang ng pagsamba kapag Linggo? Malaking bahagi ang nawawala sa buhay mo! Magtiwala ka sa akin - hindi mo nanaising hindi maranasan ang kaluguran ng pag-aalis ng mga abo sa buhay mo, ang pagtatanggal ng kadalamhatian at pagsusuot ng damit ng pagpupuri na inilaan ni Jesus para sa iyo. Ito ang pinakadakilang pakikipagpalitan sa buong kasaysayan: ibinibigay mo sa Kanya ang iyong mga sakit at kabiguan at ibinibigay Niya sa iyo ang damit ng pagpupuri!