Banal na mga Damdamin - Maka-Bibliang Tugon sa Bawat PaghamonHalimbawa

Nang ang aking mga magulang ay ikinasal, binigyan sila ng isang lumang tokador ng mga magulang ng aking ama. Ang tokador na ito ay nasa manukan nila ng ilang dekada na, ngunit inisip ng lola ko sa ama na magagamit nila ito sa kanilang bagong tahanan. Ang tokador na ito ay natatakpan ng ilang taong alikabok, dumi ng mga manok at hindi mabilang na balahibo mula sa ilang salinlahi ng mga manok. Sinubukan ng lola ko na linisin ito ngunit hindi niya kinaya kaya tinakpan na lamang niya ito ng kulay berdeng olibang pintura na napakapangit.



Itong bulok na berdeng olibang tokador ay nakapwesto sa itaas na pasilyo ng aming bahay buong pagkabata ko.



Sa wakas ay napagpasiyahan ng aking ina na tanggalin ang ang pintura ng tokador. Dinala niya ito sa isang kaibigan ng aming pamilya na may isang matatag na "refinishing business" sa kanilang garahe. Dinala niya doon ang tokador isang umaga, at nang sumunod na araw, tumawag si Ginoong C. upang sabihin sa kanya na maaari na niya itong kunin. Hindi lubos maisip ng aking ina paano niya naayos ang malaking sirang kasangkapang iyon nang ganoong kabilis kung kaya't tinanong niya kung paano niya ito nagawa sa loob lamang ng 24 na oras.



Ipinaliwanag ni G. C. na habang sinasaliksik niya ang mga katangian ng naturang tokador, napagtanto niyang ito ay ginawa noong panahon ng Digmaang Rebolusyonaryo at ito ay isang napakahalagang pamana ng pamilya. Sinabi ni G. C na ito ay nakakapagpaalala ng mga kasangkapang ginawa para mismo kay George Washington! Tinanggihan niyang ayusin ito at sinabi niya sa aking ina na ito ay nagkakahalaga ng ilang libong dolyar.



Iginiit ng aking ina na nais niyang si G. C ang mag-ayos ng isang bahagi ng kasaysayang ito. Inabot ng ilang buwan para maingat na maibalik ni G. C ang tokador na ito sa dati niyang kalagayan. Nang matanggal ni G. C ang mga dumi, sinimulan niyang pakintabin ito - binarnisan - at ibalik ito sa dati nitong ganda.



Ikaw ang tokador na iyon - ginawa ka upang pahalagahan at alagaan. Sa halip, pinili mong mabuhay sa kulungan ng mga manok kung saan nakublihan ka ng mga dumi, balahibo at taun-taong putik. At pagkatapos ay pininturahan ka ng isang naakakasukang kulay ng isang nagmamagandang-loob na tao. Ninanais ng Diyos na tanggaling lahat iyan at malumanay at buong pagmamahal na maibalik ka sa likas na ganda ng Kanyang nilikha. Papayagan mo ba Siyang gawin ito? Nilikha ka sa Kanyang wangis upang maging bahagi ng Kanyang plano para sa panahong ito ng kasaysayan.