இயேசுவுடன் முகமுகமாகமாதிரி

மோசேக்கும் கடவுளுக்குமான உறவானது சீனாய் மலையில் துவங்கியது. அங்கு தான் மோசே தன் ஆடுகளை மேய்த்துக் கொண்டிருந்தார். எரியும் செடியில் துவங்கிய அந்த உறவு அடுத்த நாற்பது ஆண்டுகளாக வளர்ந்து கொண்டே இருந்தது. நெருக்கமானது அதிகரித்துக் கொண்டு தான் இருந்தது. ஒரு நண்பனுடன் பேசுவது போல கடவுள் மோசேயுடன் உரையாடியதாக வேதாகமம் சொல்கிறது. அவர்களது முதல் உரையாடலில் மோசே தயக்கமுள்ளவராகவும் பயப்படுகிறவராகவும்,கடவுளோ தான் யார் என்பதை நிறுவி என்ன செய்யப் போகிறார் என்பதைச் சொன்னவராகவும் தெரிகிறார்கள். மோசேயின் கேள்விகளுக்குக் கடவுள் நேரடியாகப் பதிலளிக்கவில்லை என்பதும் தெளிவாகத் தனது சிந்தனைகளும் வழிகளும் மோசேயைவிட மேலானவைகள் என்பதைக் காட்டினார்.

பின்னர் வரப்போகும் வருடங்களில் மோசேயைத் தன்னுடனான நெருக்கமான உறவுக்கு அழைக்கவிருந்தார். ஆனால் மோசே ஒருபோதும் கடவுளின் பரிசுத்தத்தையும் மாட்சிமையையும் மறந்துவிடவில்லை. மோசேயின் தோற்றமே மாற்றமடைந்து,அவர் தன் முகத்தின் ஒளியை மறைக்க ஒரு முக்காட்டைத் தன் முகத்தில் போடும் அளவுக்கு அவர் கடவுளுடன் நெருக்கமான உறவைக் கொண்டிருந்தார். கடவுளுக்கு எதிரான கலகச் செயல் ஒன்றின் காரணமாக அவரால் வாக்குத்தத்த நாட்டுக்குள் நுழைய முடியவில்லை என்றாலும் அவர் மரணமடைந்து கடவுளாலேயே அடக்கம் செய்யப்பட்டார். இது எத்தனை மரியாதை! அவர்களது நெருக்கத்துக்கான எத்தனை பெரிய சாட்சி!

உங்களுக்கு நீங்களே கேட்டுக்கொள்ள கேள்விகள்:

நான் கடவுளிடம் எந்தக் கேள்விகளைக் கேட்பேன்?

கடவுளுடன் நேரம் செலவிட நான் அதிக முயற்சி எடுக்கிறேனா?

கடவுளுடனான என் நேரங்கள் என்னை மாற்றமடையச் செய்கிறதா?