இயேசுவுடன் முகமுகமாகமாதிரி

பணக்காரர்களும் கடவுளின் அரசும் கடவுளால் உருவாக்கப்பட்ட ஒரு இரகசியமாக இருக்கிறது. தங்களிடம் இருக்கும் அனைத்துப் பொருட்களின் பின்னணியில் அவர்களுக்கு கடவுளின் தலையீடோ,வழங்கலோ தேவையில்லை. இந்த உலகத்தின் தரத்தின்படி பணக்காரர்களாக இருப்பது என்பது கடவுளின் அரசில் செல்வந்தர்களாக இருப்பதுடன் சமமாக இருக்காது. அதாவது ஒவ்வொரு பணக்காரரும் அவர்களிடம் இருக்கும் அனைத்துமே கடவுளுடையது என்றும் அவர்கள் பிறருக்கு ஆசீர்வாதமாக இருக்கவே ஆசீர்வதிக்கப்பட்டிருக்கிறார்கள் என்பதையும் உணர்ந்து கொள்ளும் ஒரு இடத்துக்கு வரவேண்டும். நம்மிடம் இருப்பது அனைத்தும் கடவுளிடம் இருந்து வந்திருப்பவை. நமது செல்வத்தை வளர்க்கச் செய்யும் திறனும் கூட அவரிடம் இருந்து வந்ததே. சம்பாதிபதும் அவற்றை சேர்த்து வைப்பதும் கூட அவரிடம் இருந்து வரும் ஆசீர்வாதம் தான். நாம் கடவுளிடம் இருந்து செல்வத்தைப் பற்றிய நமது புரிதலைப் பிரித்து வைக்கும்போது தான் பிரச்சனை வருகிறது. சுயநலமான நோக்கம்,பேராசை,பதுக்கி வைத்தல்,பெருமை போன்றவை இங்கே நுழையக்கூடிய சில பாவங்கள் ஆகும்.

பணம் மோசமானது என்று இயேசு ஒருபோதும் சொன்னதில்லை. பண ஆசைதான் தீமைக்கு வேராக இருக்கிறது என்றார். உலகத்தில் அல்ல பரலோகத்தில் செல்வங்களை சேர்த்து வைத்தல் என்ற தலைப்பிலேயே அவர் அதிகம் போதித்திருக்கிறார். இதைச் செய்வதற்கான ஒரு வழியானது,நமக்கு ஆசீர்வாதமாகக் கிடைத்தவற்றைக் கொண்டு தாராள மனதுடன் இருப்பதை வேண்டுமென்றே செய்வதாகும். தேவை உள்ளவர்களும்,வசதி இல்லாதவர்களும் நம்மைச் சுற்றி இருக்கின்றார்கள்.அவர்களுக்கு ஆசீர்வாதமாக இருப்பதற்கான வழியைக் கண்டுபிடிக்கும் நேரம் வந்திருக்கிறது.

உங்களுக்கு நீங்களே கேட்டுக்கொள்ள கேள்விகள்:

நான் என்னை உலகத்தின் தரத்திலா அல்லது கடவுளின் அரசின் தரத்திலா எதில் பணக்காரனாக நினைக்கிறேன்?

இன்று நான் யாரை ஆசீர்வதிக்கலாம்?