இயேசுவுடன் முகமுகமாகமாதிரி

இயேசுவும் அவரது தூரத்து உறவினரான யோவானும் அருட்பணியில் ஒரே காலத்தைச் சேர்ந்தவர்கள். ஆனால் அவர்களின் ஒருவரே மற்றவரைக் காட்டிலும் மேலான அருட்பணியைச் செய்தார். யோவான் இயேசுவை பரலோகத்தில் இருந்து வந்தவர் என்றும் அவர் பரலோகப் பிதாவின் வார்த்தைகளைப் பேசுகிறார் என்றும் கண்டு கொண்டார். யோவான் உலகத்தில் இருந்து வந்தவர்,அவருக்குக் கொடுக்கப்பட்ட பணியை அவர் முடித்தார். அது இயேசுவுக்கு முன்னோடியாக இருந்து,அவரை ஏற்றுக் கொள்ளும்படியாகமக்களின் இதயங்களை இயேசுவுக்கு நேராகத் திருப்புவது ஆகும். அவரது அருட்பணியில் மனம் திரும்பின,கடவுளின் அரசை அனுபவிக்க விருப்பமுள்ள மக்களுக்குத் திருமுழுக்கு கொடுப்பதும் அவரது பணியாக இருந்தது.

கிறிஸ்துவைப் பின்பற்றும் ஒவ்வொருவருக்கும் திருமுழுக்கு என்பது அவசியமானது என்றாலும் (இயேசுவே திருமுழுக்கு பெறுவதைத் தேர்ந்தெடுத்தார் என்றால் நம்மால் அதை விட்டுவிட வாய்ப்புக்கள் இல்லை),அதைவிட அதிக முக்கியமானது மனந்திரும்புதல் மற்றும் புதுப்பிக்கப்பட்ட வாழ்வுக்கான கனிகளைக் கொடுப்பது ஆகும். நாம் ஒருபோதும் பரிபூரணமானவர்களாக மாறப்போவதில்லை,ஆகவே மனம் திரும்புதல் என்பது தொடர்ந்து நடக்க வேண்டிய ஒரு செயலாகும். இயேசுவில் நாம் மன்னிப்பையும் மறுபடியும் கட்டப்படுவதையும் தொடர்ந்து அவரது ஆற்றலால் முன்னேறிச் செல்வதையும் நாம் கண்டுகொள்ளலாம். புதுப்பித்தல் என்பது ஒவ்வொரு நாளும் நடக்க வேண்டியதாகும். நம்மை அவர் சரியென்று நினைக்கும் வகையில் சுத்தப்படுத்தி,நிறைத்து,பயன்படுத்துவதற்காக அவரிடம் நம் வாழ்வை கடவுளிடம் ஒவ்வொரு நாளும் மறுபடியும் அர்ப்பணிப்பது தேவையாகும்.

நம்மை மனந்திரும்புதலுக்கும் புதுப்பித்தலுக்கும் அர்ப்பணிக்கும்போது நாம் படிப்படியாக கடவுளின் அரசில் நமது பணி என்ன என்பதைக் கண்டு கொள்வோம். முழுமையான அளவுக்கு நம் வாழ்க்கையும் அமையும்.

உங்களுக்கு நீங்களே கேட்டுக்கொள்ள கேள்விகள்:

நான் மனம் திரும்ப வேண்டியது ஏதாவது இருக்கின்றதா?

புதுப்பித்தல் என்னும் தொடர் நிகழ்வுக்கு என்னை முழுமையாக அர்ப்பணிப்பதில் இருந்து என்னைத் தடுப்பது என்ன?