Mendime MëngjesiShembull

14 Shkurt

Në këtë është dashuria: jo se ne e deshëm Perëndinë, por që Ai na deshi ne dhe dërgoi Birin e Tij si shlyerje për mëkatet tona.

1 e Gjonit 4:10

"Në këtë është dashuria!” Sikur Gjoni të thoshte: “dhe askund tjetër përveçse këtu!”. Që Perëndia të ndëshkonte të pafajshmin për fajtorin, që Ai të derdhte gjakun e Birit të Tij për të anuluar fajin e rebelëve të Tij, që Ai të vendoste një barrë të pafundme zemërimi mbi shpirtin e Tij, në mënyrë që të vendoste një peshë të pafundme dashurie mbi ne, që Ai të flijonte jetën e Tij me një vlerë të paçmueshme për jetën tonë, të pavlerë, të humbur e të dënuar, që Ai jo vetëm të jepte Birin e Tij, por që ta plagoste, t’i shkaktonte brengë, ta mundonte Atë, ta bënte shpirtin e Tij flijim për mëkatin, që “Zoti i Lavdisë” të bëhej “njeri i brengave,” që Zoti i Jetës të vdiste dhe Trashëgimtari i të gjitha gjërave të ishte si “ai që shërben”. Oh, çfarë thellësish dashurie të pahulumtueshme! O dashuri e Perëndisë që ia tejkalon çdo zgjuarsie!