Mendime MëngjesiShembull

29 Janar

Do të jemi të ngjashëm me Të, sepse do ta shohim Atë se si është.

1 e Gjonit 3:2

Kush mund ta tregojë plotësisht gjithë lavdinë e Shpengimtarit në qiell? Edhe po të zbulohej plotësisht, ku do të gjendej një fuqi e tillë sa të kapte, aftësi të tilla sa të kuptonin, sy të tillë sa të shihnin dhe gjuhë e tillë sa të përshkruante një temë aq të lartë dhe një shfaqje aq sublime sa ajo? Por ne do ta shohim! Edhe ne do të përlëvdohemi. Kjo mendje do të përshtatet me madhështinë e temës dhe sytë do të forcohen për madhështinë e shkëlqyer të asaj shfaqjeje. Duke qenë se çdo aftësi fizike, mendore dhe morale do të jetë zhvilluar e shenjtëruar në mënyrë të përsosur, ne do të jemi një Kishë e përlëvduar, në praninë e Kreut të përlëvduar, në meditim të përjetshëm mbi atë lavdi. Do të shohim lavdinë e Shpenguesit. “A do ta shoh Mbretin në bukurinë e Tij? Çfarë, sytë e mi do të shohin lavdinë e Tij?” Po! Nëse sheh tani bukuri në Jezusin, nëse sytë e tu dallojnë lavdi në Emanuelin, edhe pse kjo pamje mund të jetë e dobët dhe e turbullt, është e sigurt se do të jesh me Të atje ku Ai është dhe do të meditosh mbi shpalosjet e pafundme të lavdisë së Tij të kthjellët, dhe do ta bësh këtë për gjithë përjetësinë.