Mendime MëngjesiShembull

17 Janar

Dhe do të ndodhë që, para se të më thërrasin, Unë do të përgjigjem; do të jenë ende duke folur kur Unë do t'ua plotësoj.

Isaia65:24

Mbaj mend që froni i hirit është pranë teje. Nuk të duhet të udhëtosh shumë për të arritur atje; nuk të duhet një udhëtim i gjatë e i dhimbshëm; nuk të duhet një pelegrinazh i mundimshëm e rraskapitës. Ai është pranë. Kur shtrihesh a kur ngrihesh, kur del a kur hyn, në rrugë a në shtëpi, në publik a privatisht, në dhomëzën tënde a në shenjtërore, Perëndia është kudo; dhe, atje ku Ai është, ka një Perëndi që dëgjon dhe i përgjigjet lutjes. Në një çast, në urgjencën më të madhe, mund ta ngresh zemrën te Zoti dhe, në një çast, klithma jote do të dëgjohet dhe kërkesa jote do të plotësohet. Kujto, froni i hirit është kudo. Në tokë e në det, në shtëpi e jashtë saj, në publik e në punë, apo në privatësinë e pensionit, “sytë e Zotit janë mbi të drejtët, dhe veshët e Tij janë gati të dëgjojnë klithmën e tyre”. Kudo që të shkojë, besimtari mbart me vete ndërmjetësimin e Frymës këtu poshtë, si edhe gëzon ngushëllimin e të diturit se ka edhe ndërmjetësimin e Jezusit atje lart.