Soma Biblia Kila Siku 11/2024Sample

Suala la mshahara kwa mfuasi wa Yesu linaendelea kuwababaisha wanafunzi. Hasa ahadi ya Yesu kwamba watatawala naye katika ufalme wake. Nani ataonekana kuwa mkuu kati yao siku ile? Nani atakaa karibu zaidi na Yesu? Wana wa Zabedayo, yaani Yakobo na Yohana, walisaidiwa na mama yao. Lakini Yesu anakataa kabisa mawazo hayo. Nafasi ya kuwa mitume walipewa kwa neema. Wasiwe wanatumia nafasi hiyo kwa ajili ya kufikiria mambo ya cheo, bali watumie nguvu zao na mawazo yao kwa lengo la kuwatumikia wengine!