FCA 365 Өдрийн Чимээгүй ЦагSample

БОЛОМЖ

Рожер Д. Лайп

Есүсийг Бетанд, уяман өвчтэй байсан Симоны гэрт тухлан сууж байхад нь цэвэр
үнэт нардын тос бүхий гөлтгөнөн сав барьсан нэгэн эмэгтэй орж иржээ. Тэрээр
савыг хагалаад Есүсийн толгой дээр тосыг цутгав. Гэтэл зарим нь зэвүүцэн өөр
хоорондоо
—Юунд энэ тосыг ингэж үрнэ вэ? Энэ тосыг гурван зуу гаруй денараара зарж,
ядууст өгч болох байсан шүү дээ гээд, түүнийг зэмлэжээ. Харин Есүс
—Түүнийг орхи. Та нар юунд түүнд төвөг удна вэ? Энэ эмэгтэй Надад сайныг
үйлдэв. Учир нь та нар үргэлж ядуустай цуг байна. Хэзээ хүссэн цагтаа та нар тэдэнд
сайныг үйлдэж чадна. Харин та нар Надтай үргэлж цуг байхгүй.
- Марк 14:3-7

Дасгалжуулагч болгонд ярих дуртай тоглолт, ялалт, дурсамж байдаг. Харамсалтай нь
тийм үе дэндүү хурдан болоод өнгөрдөг. Санаагаар болдог бол үргэлж л иймэрхүү
мэдрэмж дунд байхыг бид хүсдэг. Бид Марк номын дээрх хэсгээс Есүст ч ийм өдөр байсныг
харж болно.
Бид Есүсийн хэлсэн, “Та нар үргэлж ядуусын дунд байна. Харин надтай удаан хамт
байхгүй” гэсэн үгэнд анхаарч, амжилт ялалттай явсан өдрөө дурсвал тэдгээр мэдрэмж,
дурсамжууд хэчнээн үнэ цэнтэй болохыг ойлгон, талархах болно. Бид Есүсийн философийг
өөрийн болгож, хэсэг бүрийг нь нарийвчлан сурах хэрэгтэй.
Ялалт ирэх үед бид тогтож, тэр үеийн үнэ цэнийг мэдэрч, ач холбогдлыг нь үнэлэх
хэрэгтэй. Ийм өдрүүд хэдийгээр урт удаан үргэлжилдэггүй ч утга учир нь бидэнд гайхалтай
нөлөө үзүүлдэг. Тэдгээрийг алдалгүйгээр тогтоож, баяр хөөрийг дүүрэн мэдэрцгээе. Хэрвээ
өнөөдөр бид сайн өрсөлдөж чадвал тийм үеийг бүтээх болно.

1.Хэзээ ч дуусгамааргүй байдаг гайхалтай сайхан мөчөө эргэн нэг дурсаарай.
2.Тийм цаг хэзээ байсан бэ?
3.Удахгүй дахин тохиох ялалтын үнэ цэнийг хэрхэн нэмэгдүүлж, илүү утга учиртай
болгож болох вэ?
4.Нэмэлтээр унших: Дуулал 20:1-5; 1 Иохан 5:1-5

Эзэн минь, спортын онцгой мөч хормыг баг маань алдалгүйгээр үнэлж сурахад болон
тэднийгээ чиглүүлэхэд надад туслаарай. Таны оршихуй болон тааллыг би мэдэрдэг
шигээ тэдгээр хором мөчөөс баяр хөөрийг мэдрэхэд туслаач. Амен.