FCA 365 Өдрийн Чимээгүй ЦагSample

НӨЛӨӨ

Вайти Оос

Та нар хүмүүсийг өөрсдөдөө хэрхэн хандаасай гэж хүснэ, өөрсдөө ч тэдэнд бүхий л
зүйл дээр тийнхүү ханд. Үүний төлөө л Хуульа ба Эш үзүүлэгчид буй.
- Матай 7:12

Дасгалжуулагч бид залуу хүмүүсийн амьдралд хүчирхэг нөлөө үзүүлэх боломжтой байдаг.
Харин ямар нөлөө үзүүлэх эсэх нь тухайн дасгалжуулагчийн ур чадвар болон хувь
хүнийх нь онцлогтой салшгүй холбоотой. Мөн тэдгээр тамирчин оюутнуудын амьдралд
бидний гүйцэтгэх үүрэг маш чухал. Тухайн залуу тамирчин багтайгаа нэгдэх, багийн чухал
тоглогч болох эсэхийг бид шийддэг.
Зарим дасгалжуулагч тамирчдынхаа нүүр лүү харж байгаад загнаж, хашхичдаг. Мэдээж
заримдаа тухайн тамирчны ур чадварыг хөгжүүлж, чухал зүйлсийг ойлгуулахад энэ
нь тустай байж болох ч иймэрхүү авир хэрээс хэтэрвэл сайн гэхээсээ илүү саар үр дүнд
хүргэдэг. Хэн ч хүндэлж, хайрладаг хүнээрээ доромжлуулж, чичлүүлэхийг хүсдэггүй.
Миний ахлах сургууль болон коллежийн дасгалжуулагч нар гайхалтай хүмүүс байсан.
Тэд ялах хүсэл зорилготой ч түүндээ хүрэх арга нь маш их таалагддаг байлаа. Ахлах
сургуулийн маань хоккейн дасгалжуулагч Берни бол зөвхөн дасгалжуулагч бус бидний
зөвлөгч, найз, үлгэр дуурайлал маань байсан. Түүний оршуулга дээр олон шавь нар нь
цуглаад, багшийнхаа үзүүлсэн гайхалтай нөлөөний тухай ярихад үнэхээр бахдам байсан ба
бүгд түүнд чин сэтгэлээсээ талархаж билээ.

1.Таны дасгалжуулах арга барил ямар вэ?
2.Та тамирчдаа хэр их урамшуулдаг вэ? Ялангуяа хүнд үед урамшуулдаг уу?
3.Яаж тамирчдаа илүү их зоригжуулж, өөртөө итгэлтэй болгох вэ?
4.Нэмэлтээр унших: Матай 5:16; 22:37-39; 2Тесалоник 3:13; 1Иохан 4:19

Эзэн минь, надад хариуцуулсан тамирчдад илүү санаа тавьж, урамшуулж, эерэг нөлөө
үзүүлэхэд туслаач. Есүс хэрхэн хайрласан шиг бусдыг хайрлах хүчийг надад өгөөч. Амен.