FCA 365 Өдрийн Чимээгүй ЦагSample

ГАДААД ТӨРХ БОЛОН ЗҮРХ СЭТГЭЛ

Рожер Д.Лайп

Гэвч ЭЗЭН, Самуелд айлдан
—Түүний гаднах байдлыг болон нурууных нь өндрийг бүү хар. Би түүнийг үл
хэрэгсэв. Учир нь Бурхан хүнтэй адил хардаггүй. Хүн гаднах төрхийг хардаг бол
ЭЗЭН зүрхийг нь хардаг гэв.
- 1 Самуел 16:7

Самуелд хар аяндаа төрсөн буруу ойлголтыг Эзэн залруулж байна. Энэ нь хүнийг гадна
байдлаар дүгнэх буюу өндөр нам, жин, биеийн бусад үзүүлэлтээр хэмжих гэсэн үг юм.
Эзэн, Самуелийг Өөрийнх нь адил хүмүүсийн зүрх сэтгэл рүү өнгийн хар гэж дуудсан.
Спортын ертөнцөд гадаад төрхөөр нь бусдыг харж, шүүх нь маш түгээмэл. Баг тамирчдыг
хараад л биеийн хөгжил, өндөр намаар нь бид дүгнэдэг ч харин тэдний тэвчээр, зориг
хатуужил, хайр, үнэнч байдал зэргийг нүд ирмэхийн зуур хараад мэдэх боломжгүй. Эдгээр
нь зүрх сэтгэлийн чанарууд бөгөөд тоглогчдын зүрх сэтгэл болон тэдний баримталдаг үнэ
цэнээс харагддаг.
Бид тэмцээн уралдаанд бэлдэхдээ эсрэг багийнхнаа гадаад байдлаар нь л дүгнэх учиргүй.
Харин Эзэн тэднийг хэн гэж хардаг, тэр л төрхөөр нь харж сурах ёстой. Тэдний зүрх
сэтгэлийг хар. Мөн өөрийн багийнхныхаа зүрхний гүн дэх чанаруудыг харж, хөгжүүлж
чадвал бид улам бүр өөрсдөдөө итгэлтэй болж, хийж буй бэлтгэлдээ өөрсдийгөө бүрэн
зориулах болно.

1.Та багийнхнаа харагдах байдлаар нь дүгнэж байна уу? Эсвэл зүрх сэтгэл рүү нь
өнгийн харж байна уу?
2.Тэдний зүрхнээс ямар чанарыг харахыг хүсэж байна вэ?
3.Бурхан тэдний зүрх сэтгэлээс юу харж байгаа бол?
4.Бурхан таны зүрх сэтгэлээс юу харж байгаа бол?
5.Нэмэлтээр унших: Амос 3:4; Иохан 16:25-33

Аав аа, тамирчид болон ажилтнуудаасаа гадаад үзэмжээс илүү гүн гүнзгий зүйлсийг нь
олж харахад туслаач. Зүрх сэтгэлийг нь харж, тэднийг бүх талаар нь дасгалжуулахад
туслаарай. Амен.