FCA 365 Өдрийн Чимээгүй ЦагSample

СААД БЭРХШЭЭЛИЙГ ДАВАН ТУУЛАХ

Холлис Конвэй

Харин бид энэ бүхний дотор биднийг хайрладаг Түүгээр дамжуулан бүрэн ялдаг.
- Ром 8:37

2.3 метр гаруй харайж, өндрийн харайлтаар Олимпын хошой медальтан болох завшаан
надад тохиосон. Хүмүүс намайг спортын төлөө төрчихсөн хүн, түүнд энэ бүхэн үнэхээр
амархан гэдэг байсан ч үнэндээ бодит байдал яг эсрэгээрээ байлаа. Аварга болохын тулд би
олон саад бэрхшээлийг даван туулсан. Хүндрэлтэй төрсөн намайг эмч нар эрүүл саруул хүн
болох магадлал 50% гэж байв. Хар тамхи хэрэглэдэг, ядуу зүдүү айлд хүсээгүй үр нь болж
би төрсөн юм. Би айлын бага буюу долоо дахь хүүхэд нь байлаа. Гэр бүлийн тогтворгүй
байдлаас болж манайх хаа сайгүй нүүсэн.
Эцэст нь надад итгэж, намайг сорьж , халамжлах дасгалжуулагчийг Лузианагийн
Шревепортод олсон юм. Туранхай, данхардуу толгойтой жаал хүүд мөрөөдөлдөө хүрэх
боломж олгохын тулд тэрээр дасгалжуулагчийн үүргээс давсан зориулалт гаргаж, надтай
тулж ажиллахаар өөрийгөө дайчилсан.
Христ дотор бид ялагч байх болно гэж Бурхан амласан. Дасгалжуулагчийн хувьд Бурхан
биднийг хэн нэгэнд туслуулахын тулд үе үе зэмсгээ болгон ашигладаг, ялангуяа бидэнд
тамирчдыг даатган өгдөг. Бид Христийн өмнө бүх зүйлсийн нярав байхаар дуудагдсан.
Илүү олон хүмүүсийг мөрөөдөлдөө хүрэхэд нь биднийг ашиглахыг Бурханд зөвшөөрцгөөе.

1.Таны тоглогчид ямар төрлийн саад бэрхшээлтэй нүүр тулж байгаа вэ?
2.Багийнхан тань нүүр тулаад буй саад бэрхшээлийг даван туулахад нь туслуулахын
тулд Бурхан таныг хэрхэн ашиглаж болох вэ?
3.Та тоглогчдынхоо амьдралд оролцоход хэр бэлэн байна вэ?
4.Нэмэлтээр унших: Ром 8:37, 1Коринт 15:57, 2 Коринт 4:17, Филлиппой 4:13

Эзэн минь, үүргээ гүйцэтгэж байгаа дасгалжуулагч төдий биш Таны над руу илгээсэн
хүмүүсийн амьдралд өөрчлөлт авчирдаг дасгалжуулагч байх боломжийг надад өгөөч.
Танд итгэвэл боломжгүй зүйл үгүй гэдгийг тэд мэдээсэй гэж залбирч байна. Таны надад
өгсөн зүйлсийн нярав нь байх ёстой гэдгээ би ухаарлаа. Таны дотор би ялан дийлж,
багийнхан маань ч мөн тийнхүү амьдрахад Та туслаач. Амен.