FCA 365 Өдрийн Чимээгүй ЦагSample

БУРХАНТАЙ ХАМТ БАЙХ ХУВИЙН ЦАГ

Оол Шиербам

Та надад амийн замыг таниулна
Таны оршихуйд л баяр хөөр дүүрэн
Баруун мутарт тань эгнэгт
Баяр хөөр оршдог.
- Дуулал 16:11

Давид хаан ганцаараа болон ард олноороо Бурханд мөргөл хүндэтгэл өргөх хэрэгтэй
гэж үздэг байв. Үнэндээ Бурханыг хайрлах Давидын хайр бүх үндэстнээрээ Бурханыг
хүндлэн дээдлэхэд нөлөөлсөн ажээ. 1 Шастир 16-д израилчууд гэрээний авдрыг Йерусалимд
авч ирэх үед Давид хаан магтаалын гол удирдагчдыг дуудан, Эзэнд зориулж дуулж,
хөгжимдөхийг хүссэн байдаг. “Тэр өдөр Давид анх удаа Асаф болон түүний ах дүүст ЭЗЭНд
талархал өргөхийг даалгав” (1 Шастир 16:7). Давид бол хөгжимчин, дуу зохиогч байсан
бол Асаф магтаалын удирдагч байв. 1 Шастирын дуулал хэсэг магтаал хийгээд талархлаар
дүүрэн байна. Хөгжмийн аянд хөг нийлсэн магтаалаа тэд ийнхүү ард олны өмнө өргөжээ.
Давидын хувийн амьдралын бусад хэсгүүдээс болон өөр олон зүйлийг ажигласнаар Бурханд
магтаал хүндэтгэл өргөх тал дээр бид өсөж болно.
Юуны өмнө Давид зүрхний хандлага бүрээ ажиглаж тэмдэглэдэг байжээ. Давидын
бичсэн Дуулал номоос унших нь түүний сүнслэг өдрийн тэмдэглэлийг уншиж байгаа мэт.
Бид ч мөн өөрсдийн сүнслэг өсөлтийг нягталж, Бурхан бидэнд юу заасныг мартахгүйн тулд
тэмдэглэл хөтөлж болно. Энэ нь магтаал, асуулт, залбирлын хүсэлтээ тэмдэглэх дэвтэр ч
байж болно.
Хоёрт, Давид хааны Бурханыг хүндлэн дээдлэх байдал нь олны өмнөх түүний амьдралд
нөлөөлсөн юм. Бид Бурханы агуу чанарын талаар хувьдаа тунгаан бодох нь бусдын өмнө
биеэ авч явах байдалд маань нөлөөлдөг. Давид Бурхантай ойр байсан учраас тэрээр
амжилттай амьдарсан юм.
Гуравт, хөгжим Давидын магтаал, хүндлэлд онцгой байр суурь эзэлдэг байсан. Зарим
хэт өөртөө итгэлтэй дасгалжуулагчид дуу дуулахыг сул дорой чанар хэмээдэг бол энэ нь
Эзэнийг хүндлэх гайхалтай арга юм. Бурхан биднийг өөрт нь хандан баяр хөөртэйгөөр
дуулахыг хүсдэг.
Эцэст нь хүндлэл мөргөл нь бидний амьдралд ер бусын баяр хөөр авчирдаг тул Давид
хаан ч баярлан хөөрч байв. Бид Бурханы Үгийг тунгаан бодох үед баяр хөөр ирдэг. Баяр
хөөрөөр дүүрэн амьдрал Эзэний төлөө бусдад нөлөөлдөг.

1.Эзэнийг хүндлэн дээдэлж байгаагаа та харуулахын тулд юу хийдэг вэ?
2.Бусдын өмнө амьдарч байгаа байдал тань Бурхантай харилцах харилцааг тань
харуулдаг уу?
3.Та баяр хөөртэй амьдарч байна уу?
4.Нэмэлтээр унших: 1 Шастир 16: 1-43; Дуулал 16

Эзэн минь, өдөр бүр Таны оршихуйд байх, баяр хөөрийг дүүргэж өгөөч. Тэгснээр бусдад
харагдах амьдрал минь Таныг алдаршуулах болно. Амен.