FCA 365 Өдрийн Чимээгүй ЦагSample

ОЛИМПЫН МӨРӨӨДӨЛ

Пээт Стрийт

Дараа нь Би Сүнсээ бүх махбод дээр цутгана.
Хөвгүүд, охид чинь эш үзүүлж
Хөгшчүүл чинь зүүд зүүдэлж,
Залуус чинь үзэгдэл үзнэ.
– Иоел 2:28

1920 оны Олимпын ойрын зайнд гүйгч Чарльз Паддок нэг сургууль дээр үг хэлэхдээ “Энэ
сургуулиас дараагийн Олимпын тамирчин ч гарч болно” гэж хэлжээ. Нэг их удалгүй нэг
туранхай жаал хүү түүн дээр ирээд “Нэг өдөр би Олимпын аварга болмоор байна” гэхэд
Паддок хүүд “Хэрвээ чи энэ хүслээ мөрөөдлөө болгож, бүхнээ зориулбал Олимпын аварга
болж чадна” гэжээ.
Жесси Овенс гэгч өнөөх туранхай жаал хэдэн жилийн дараа1936 оны Берлиний олимпоос
4 алтан медаль хүртэж, төрөлх хотынхон нь задгай машин дээр түүнийг суулган, хотоороо
авч яван хүндэтгэл үзүүлж байв. Тэр арга хэмжээн дээр өөр нэг жаал Жесси дээр гүйн ирж
“Би ч бас Олимпын аварга болмоор байна” гэхэд, өөрт нь хэлж байсан Паддокийн үгийг
санасан Жесси хүүгийн гарыг барьж, “Чи чадна. Томоор мөрөөдөж, түүндээ өөрийгөө
бүрэн зориулбал мөрөөдөлдөө хүрч чадна” хэмээн хашхирчээ. Тэр хүү Харрисон Диллард
байсан бөгөөд тэрээр 1948 оны Лондоны олимпоос алтан медаль хүртжээ.
Яг л дээрх тамирчид хүсэл мөрөөдөлдөө хөтлөгдөх үед өөр нэгэн тэднийг урамшуулсантай
адил Ариун Сүнс бидэн дээр бууж, гайхалтай хүсэл мөрөөдлийг өгдөг төдийгүй тэрхүү
хүсэл мөрөөдөлдөө хүрэх урам зориг, дотоод эрч хүчийг өгдөг.

1.Танд том мөрөөдөл бий юу?
2.Тэрхүү мөрөөдөлд хүрэхэд Ариун Сүнс таныг хөтөлж байгааг та мэдэрч байсан уу?
3.Таны мэдэж байгаачлан мөрөөдөлд тань юу саад болж байна вэ?
4.Нэмэлтээр унших: Ефес 3

Эзэн минь, мөрөөдөл минь танд алдар, хүндлэл авчрах болтугай. Мөрөөдөл минь
биелээсэй. Есүсийн нэрээр, Амен.