FCA 365 Өдрийн Чимээгүй ЦагSample

ТОГЛОЛТГҮЙ ҮЕД ХИЙХ АЖИЛ

Жиер Жонсон

Ухаалаг хүү зунаар жимс түүнэ
Ургацын цагаар нойрсогч хүү ичгүүрийг хураана.
– Сургаалт үгс 10:5

Дасгалжуулагчийн хийдэг хүндхэн ажлуудын нэг нь тэмцээнгүй үеийн бэлтгэл хамгийн
чухал гэдгийг тамирчдадаа ойлгуулах билээ. Жил бүр тамирчид маань тэмцээний үе
хүндхэн байсныг дурдаж, зуны амралт ямар их хэрэгтэй болохыг хэлдэг байлаа. Ямар ч
тамирчин, дасгалжуулагчийн хувьд тэмцээнтэй байсан ч, байгаагүй ч хийх ёстой бэлтгэлээ
хийсээр байх сэтгэлзүй маш чухал байдаг.
Сургаалт үгс 10-р бүлэгт Соломон хаан зуны дэлгэр цагт хүчээ дайчлан ажиллаж, цагийг
дэмий үрэхгүй байгаа ухаалаг залуугийн талаар зааж байна. Соломон хааны үеийн залууст
өнөөгийн бидэнтэй адил телевиз гэдэг сатааруулагч байгаагүй ч тэд өөрсдийн цаг үедээ
боломжийг ашиглах хэрэгтэй байжээ. Залуу тамирчдад жилийн турш гаргасан хичээл
зүтгэл нь тоглолтын үр дүнд нөлөөлдөг гэдгийг ойлгуулах амаргүй. Тиймээс самбар луу
бөмбөг шидэж байгаа, бөмбөгөө шидэх дасгал хийж байгаа, дугуй унаж байгаа залуучуудыг
хараад би урамшдаг.
Та заах, дасгалжуулах, зохион байгуулах гээд юу ч хийдэг бай нухацтай хандах хэрэгтэй.
Мөн Христтэй харилцах харилцаандаа ч нухацтай хандах нь зөв. Түүнийг улам бүр таньж
мэдэн, Түүний дотор өсөхөд сахилга бат шаардлагатай. Хэрвээ бид сахилга баттай байж
чадвал Түүнтэй хамт байхыг илүү их хүсэх болно. Бид Түүнтэй хамт байх тусмаа ажил дээрээ
илүү ёс зүйтэй болохоос гадна биднийг Өөртэйгөө байлгахын тулд Хүүгээ загалмай дээр
золиослон, хайраа харуулсан, итгэмжит Бурханыг таньж мэдэх болно. Бурхан Өөрийгөө
алдаршуулахын тулд Ариун Сүнсээрээ дамжуулан бидний дотор ажиллаж, зан чанарыг
минь өөрчилж, алхаа гишгээг минь чиглүүлж, авьяас бэлгийг минь ажил мэргэжлийн
болон сүнслэг талбар дээр ашиглах нь Түүнд таатай сайхан байдаг (Еврей 13:21).

1.Та өдөр тутмын ажлаа хэрхэн явуулдаг вэ? Бурхантай өнгөрөөх хувийн цаг хэр байна
вэ?
2.Та дасгалжуулагчийн хувьд, мөн Христэд итгэгчийн хувьд амьдралдаа хэр сэтгэл
хангалуун байдаг вэ?
3.Та өнөөдөр Христийг алдаршуулахын тулд илүү өндөр зорилго руу хэрхэн тэмүүлэх
вэ?
4.Нэмэлтээр унших: Сургаалт үгс 10; Матай 25:14-20; Колоссай 3:23-24; Еврей 6:10-12

Эзэн минь, Таны дотор би амьдарч, хөдөлж байна. Христ дотор өгдөг Таны нигүүлслээр
ажиллахад туслаач. Амен.