FCA 365 Өдрийн Чимээгүй ЦагSample

СААД БЭРХШЭЭЛИЙГ ДАВАН ТУУЛАХ НЬ

Чаад Глоецнер

Гэтэл Калеб ард олныг Мосегийн өмнө намжаагаад
—Бид гарцаагүй дийлж чадах учир өгсөж очоод эзэлж авцгаая гэв.
– Тооллого 13:30

Америк хөлбөмбөгийн алдрын танхимд нэрээ мөнхөлсөн дасгалжуулагч Грийн Бей
Пакерс нэгэнтээ “Хэрэв хүн алив зүйлд өөрийгөө бүрэн зориулж чадвал түүнийг
зогсоох юу ч байхгүй” гэжээ. Ямар ч азгүйтэл, бүтэлгүйтэл түүнийг зогсоож чадахгүй. Би
амьдралдаа олонт удаа цөхөрч, давшгүй мэт даваануудтай учирч байсан. Энэ бүхнээс би
бэрхшээл зовлонгийн дундуур туучиж байна гэхээс илүүтэй надад хүчийг өгөгч Түүнд
үйлчилж буйгаа анзаардаг. Бүх Израил айн дагжиж өөрсдөөс нь хавьгүй хүчирхэг Иерихог
яагаад ч эзэлж чадахгүй нь гэхэд Иошуа, Калеб хоёр л Эзэнд итгэн,Иерихог эзэлье гэж
уриалсан байдаг.
Жон Хэнри Ньюман “Амьдрал чинь төгсгөлдөө ойртлоо гэж айхаас илүү эхлэлгүй байх
вий гэж ай” гэж хэлсэн байдаг. Тамирчин бүр бэрхшээл гэж юу байдгийг мэднэ. Зарим нь
нэг ч ялагдаагүй багтай учрах үед, харин нөгөө хэсэг нь бэлтгэлийнхээ сүүлийн даалгаврыг
гүйцэтгэх үедээ үүнийг мэдэрдэг. Итгэгч дасгалжуулагчийн хувиар бидэнд дундаршгүй
эрч хүч, урам зориг өгдөг Нэгэнийг бид мэднэ. Тэр бидэнд жинхэнэ ялалтыг аль хэдийнээ
өгсөн билээ.

1.Өнөөдөр танд давах ёстой ямар даваа байна вэ? Дасгалжуулахтай холбоотой ямар
бэрхшээлтэй нүүр тулж байна вэ?
2.Тулгараад байгаа бэрхшээлийг та хэрхэн даван туулж байна вэ? Айдсаар уу, итгэлээр
үү?
3.Та Есүс Христээр дамжуулан танд ирсэн ялалтыг тээн амьдарч байна уу?
4.Нэмэлтээр унших: Шүүгчид 7:19-22; 2 Хаад 6:15-20; Дуулал 37:39-40

Бурхан минь, урдаа буй саад, бэрхшээлийг бус харин Таны надад өгсөн ялалтыг олж
харахад туслаарай. Загалмай дээр Таны хийсэн ажилд итгэх итгэлийг, Таныг даган
явах тууштай байдлыг надад өгөөч. Амен.