FCA 365 Өдрийн Чимээгүй ЦагSample

БАГ ДОТОР “БИ” ГЭЖ БАЙХГҮЙ

Жош Картер

Абрам, Лотод
—Бид ахан дүүс. Чи бид хоёрын хооронд бас танай манай малчдын хооронд маргаан
бүү байг! Чиний өмнө энэ бүх газар байгаа биш үү? Чи надаас салж яваач. Хэрэв
чамайг зүүн тийшээ явбал би баруун тийшээ явъя. Хэрэв чамайг баруун тийшээ
явбал би зүүн тийшээ явъя гэв.
- Эхлэл 13:8-9

NBA-н Бостон Селтикс багийн домогт дасгалжуулагч Рэд Аурбах багаа 16 жил
дасгалжуулахдаа 9 удаа аваргын төлөөх тоглож байсан. 1966 онд зодог тайлахад нь
түүний баг NBA-н түүхэн дэх хамгийн олон буюу 938 ялалт байгуулсан багаар тодорсон
юм. Түүний багт олон гайхалтай тоглогч байсан ч тэд өөрсдийн тоон үзүүлэлтүүдээс илүү
багаа хэрхэн амжилтад хүргэх талаар гайхалтай өдөөгдөж, анхаардаг байсан гэдэг. Яг энэ
чанарыг Аурбах тэдэнд суулгасан юм. Аурбахын тодорхойлсноор энэ чанар нь “тэр бүр
хүмүүсийн хийх дургүй ажлыг хүлээн аваад багаараа урагшлахын тулд тэр ажлыг дуртайяа
хийхийг” хэлэх ажээ.
Эхлэл номд гарч байгаа Абрахам, Лот нар нэг “баг” байсан. Гэвч нүүдлийн аянд тэдний
мал сүрэг өсөж, бэлчээр нь хүрэлцэхгүй болж ирсэн. Абрахам хэдий энэ “багийн” гол
тоглогч байсан ч өөртөө давуу байдал үүсгэж, аль үржил шимтэй газрыг өөрөө түрүүлж
сонголгүй харин Лотод эхэлж сонгох боломж олгодог.
Эзэн Бурхан Өөрийн хаан ширээнээсээ буун, бидний төлөө загалмайг сонгосон шиг бид ч
бусдад үйлчлэх хэрэгтэй. Ямар ч тоглогч сэлгээний сандал дээр удаан суухад тухгүй байдаг
ч багийнхаа төлөө юуг ч хийхэд бэлэн тоглогчид л ямар ч багийн гарааны тоглогчдоос
дутахгүй чухал байдгийг Аурбах багийнхандаа ойлгуулж чадсан. Итгэгч тамирчдын хувьд
та хаана ч байсан багийнхандаа чин сэтгэлээсээ үйлчлэх боломжтой. Ийм баяр хөөртэй
үйлчлэлээр ямар ч баг урамшин, тэтгэгдэж байдаг.

1.Хувиа бодолгүйгээр бусдыг эхэнд тавин, үйлчлэх хүсэлтэй хандлагыг та хэрхэн
дэмжих вэ?
2.Өөрийгөө эхэнд тавьдаггүй хүн багтаа хэрхэн нөлөөлдгийг та харж байсан бэ?
3.Та өнөөдөр тамирчдадаа хувиа бодохгүй байхыг урамшуулсан нэг зүйл хийгээрэй.
Тэр нь юу байж болох вэ?
4.Нэмэлтээр унших: Матай 20:25-28; 1 Коринт 10:24; Филиппой 2:3-4

Эзэн Есүс минь, Та Өөрөө бидний төлөө золиос болсонд баярлалаа. Таны алдрын төлөө
бусдад үйлчилж байхад би буурч, харин Таны Нэр өргөмжлөгдөх болтугай. Амен.