FCA 365 Өдрийн Чимээгүй ЦагSample

ШИНЭ ЭХЛЭЛ

Иш Смит

Эхэнд Бурхан тэнгэр ба газрыг бүтээжээ.
- Эхлэл 1:1

“Эхэнд Бурхан тэнгэр газрыг бүтээжээ.” Энэ эшлэлийг дийлэнх хүмүүс мэднэ. Дэлхийг
хэрхэн бүтээсэн талаарх энэ эшлэлийг бид мэдэх билээ.
Энэ эшлэлээс сурч болох нэгэн чухал зүйл нь дэлхий дээр амьдарч байгаа бидэнд илүү
хамаатай. Хэдэн мянган жилийн өмнө Бурхан зургаан хоног ажиллаад долоо дахь өдрөө
амарснаас хойш дахиж ажиллахаа больсон юм биш ээ. Эхлэл 1:1 нь бидний Эзэний
ажлын “эхлэл” байгаагүй. Бурхан хүн бүрийн амьдралд шинэ эхлэл бүтээхийг хүсдэг нь
сайнмэдээнд агуулагддаг сайн мэдээ нь юм.
Дасгалжуулагч хийж байсан үеэ бодохоор жил бүр бейсболын хэрэглэл байдаг өрөөнд
орж, цохиур, бөмбөг, бээлий, гүйлтийн гутал, өмсгөлүүд гаргахад төрдөг байсан хүчтэй
сэтгэл хөдлөл тод мэдрэгддэг. Үүнтэй мөн адил хүчтэй сэтгэл хөдлөл улирлын төгсгөлд бүх
хэрэглэлүүдээ хураахад төрдөг байж билээ.
Есүс Христийг Аврагч Эзэнээ болгосон хүн бүрийн амьдралд Христийг Аврагч болгон
хүлээн авсан үед шинэ “эхлэл” тавигддаг. Бид бүгдэд зориулсан олон эхлэлүүд Бурханд
бий. Бурхан биднийг шинэ сорил шалгууруудад зориулж дахин бүтээхийг хүсэж байгаа
бөгөөд өмнөө байгаа замыг туулахын тулд үүрэх ёстой үүрэг хариуцлагуудад маань бэлтгэн
хүчирхэгжүүлэхийг хүсэж байна. Биднийг уналтад орох үед Тэр амьдралд минь шинэ
эхлэлийг тавихаар хүлээж байдаг.

1.Таны амьдрал шинээр эхлэх цаг болсон уу?
2.Амьдралынхаа аль хуудсыг хаах хэрэгтэй вэ?
3.Та амьдралдаа ямар “шинэ эхлэлүүд”-ийг харахыг хүсэж байна вэ?
4.Нэмэлтээр унших: Езекиел 36:26; Иохан 1:1-14; 2 Коринт 5:16-21

Эзэн минь, миний дотор шинэ ажлаа эхлүүлээч. Би хийж буй бүх зүйлээрээ Таныг
хүндлэхийг хүсэж байна. Амен.