FCA 365 Өдрийн Чимээгүй ЦагSample

ЮУНААС Ч БҮҮ АЙ!

Стив Хейген

Намайг хүчирхэгжүүлэгч Түүгээр би бүгдийг хийж чадна.
– Филиппой 4:13

Энэ зун би 1-р дивизионд тоглодог тамирчин залууг дасгалжуулсан юм. Дасгалжуулагч
нар өөрийг нь тоох болов уу? хэмээн тэрээр нэлээн сандарч байв. Өөрөөсөө шалтгаалах
зүйлс дээр илүү анхаарч, бэлтгэлээ улам сайн хийх хэрэгтэй гэдгээ мэдэж байсан ч сандарсан
хэвээр л байлаа. Бүтэн зуны турш ур чадвар, хэрхэн төвлөрч, сэтгэлзүйгээ удирдах талаар
бэлтгэл хийлээ. Би түүнд “бүү ай” бас ямар ч сорилт ирсэн өөрийгөө битгий доош нь хий гэж
зөвлөж байв. Тэр хэтэрхий тогтворгүй байлаа. Үнэндээ талбайд хэн гарахыг дасгалжуулагч
бус харин тамирчны өөрийнх нь гүйцэтгэл болон биеэ авч явах байдал нь шийддэг юм.
Ийнхүү тэмцээн эхлэхээс хоёр хоногийн өмнөөс тамирчны маань сэтгэлзүй улам
тогтворгүй боллоо. Бэлтгэл дээр хүртэл сандарч байгаа нь илэрхий харагдана. Эцэст
дасгалжуулагч нь гарааны бүрэлдэхүүнийг зарлахад түүний нэр ашгүй гарав. Заримыг нь
биш, харин бүх зүйлээ Эзэнтэй хамт хийх үед хэрэгтэй байсан эр зоригийг нь Тэр өгдөг
болохыг тэр биеэрээ мэдэрч, айхаа больсон юм.

1.Та зөвхөн спортын талбарт бус амьдрал дээр ч гэсэн ямар нэг зөв зүйл хийхээс айж
байсан уу? Та зөв зүйлийг хийдэг үү, эсвэл айсандаа болоод амар хялбар байдлаар
шийддэг үү?
2.Дасгалжуулагч, багш, эцэг эхийн хувьд та хэзээ хамгийн их айдаг вэ?
3.Нэмэлтээр унших: Иошуа 1:1–9; Еврей 10:35–39

Эзэн минь, надад хүч өгдөгт баярлалаа. Би үүнийг ганцаараа хийж чадахгүйгээ мэднэ.
Харин Тантай хамт бүгдийг хийж чадна. Танаас ирдэг тэр гайхалтай тэвчээр,
өөртөө итгэх итгэл, эр зоригийг надад өгөөч. Амен.