Soma Biblia Kila Siku/ FEBRUARI 2023Sample

Mungu akiagiza jambo analifuatilia pia. Hivyo, ukiweka nadhiri kwa Mungu ni vizuri ukiitimiza. Pia jifunze kuisikiliza na kuitofautisha sauti ya Mungu na sauti zidanganyazo. Kwa mfano, mara nyingi ukifunga kwa maombi, utasikia sauti zinakushauri ule kidogo kwa siri. Hiyo siyo sauti ya Mungu. Mkristo, unapopewa rushwa utasikia sauti inasema hii ni shukrani tuu. Unafikiri hiyo ni sauti ya Mungu? Usidanganywe na roho hizo! Roho anena waziwazi ya kwamba nyakati za mwisho wengine watajitenga na imani, wakisikiliza roho zidanganyazo, na mafundisho ya mashetani (1Tim. 4:1). Ulizingatie onyo hili ili usidanganyike.