Soma Biblia Kila Siku/ FEBRUARI 2023Sample

Mungu alikuwa amechagua Yerusalemu, mji aliouchagua Bwana miongoni mwa kabila zote za Israeli, ili aliweke jina lake huko (m.21), na aabudiwe humo. Lakini matokeo yakawa tofauti kabisa. Watu wa Yuda wakaacha kumwabudu Mungu na wakaiabudu miungu na kufanya machukizo ya kila namna kuliko yote waliyoyafanya baba zao (m.22-24). Matokeo yake, Mungu aliruhusu washambuliwe na Shishaki, mfalme wa Misri, lakini hakuna habari ya mfalme kuacha dhambi zake. Sisi ndio kanisa ambalo Mungu anajivunia, tunapomwasi Mungu tukageukia njia zinazomchukiza, tunamfanya Mungu awe na ghadhabu na sisi.