Kom, Here Jesus, KomSample

Lees: Genesis 5:21–24; Hebreërs 11:5

SOAP: Hebreërs 11:5

Omdat Henog geglo het, is hy weggeneem sonder dat hy gesterf het, en hy was nêrens te vind nie, omdat God hom weggeneem het. Van hom word getuig dat hy, voordat hy weggeneem is, geleef het soos God dit wou.

Oordenking

Henog is een van twee mans in die Bybel wat nooit gesterf het nie. Die ongelooflike verhaal van Henog wat in Genesis 5 gevind word, het my nog altyd gefassineer. In plaas daarvan om te sterf, is Henog in die hemel opgeneem omdat Henog 'n lewe gelei het wat God behaag het. In Hebreeërs 11:5 lees ons: “Omdat Henog geglo het, is hy weggeneem sonder dat hy gesterf het.”

Henog was die oupagrootjie van Noag, 'n man wat in 'n tyd baie dieselfde as ons s'n, gelewe het.

“Dit is oor hierdie mense dat Henog, wat van die sewende geslag ná Adam was, geprofeteer het. Hy het gesê: 'Kyk, die Here kom met sy duisende heilige engele en Hy sal oor almal oordeel. Hy sal al die goddeloses, al die sondaars straf oor al die goddelose dinge wat hulle in hulle goddeloosheid gedoen het, en oor al die lasterlike dinge wat hulle teen Hom gesê het.' Hierdie mense kla gedurig en is altyd ontevrede met hulle lot. Hulle leef net volgens hulle eie begeertes, praat groot en sê vleiende dinge van mense om daaruit vir hulleself voordeel te trek” (Judas 14–16).

Al was die wêreld rondom hom boos, was Henog dapper in sy geloof en het hom uitgespreek oor God se komende oordeel. Ons sien uit Henog se lewe dat jy kan kies om 'n lewe van geloof te lei selfs wanneer die wêreld om jou dit nie doen nie. Dit is goed om uit te staan. Dit is goed om nie soos almal te wees nie. Soos Henog, kan jy ook getrou wees te midde van ’n korrupte geslag (Filippense 2:15).

Gebed

Liewe Heer, help my om my lewe deur geloof te leef, soos Henog. Selfs wanneer ander om my kies om van U af weg te stap, bid ek dat ek elke dag wat ek saam met U stap, meer en meer soos U sal word. Help my vandag om die geloof te hê wat berge versit. Help my om saam met U te wandel tot die einde toe. Help my om saam met U te stap tot die dag wat U terugkom, of U my huis toe lei. Ek bid dat ek 'n lewe vol geloof sal lei. Maar tot op daardie dag, bid ek, kom, Here Jesus, kom. Amen.