Kom, Here Jesus, KomSample

Lees: Openbaring 11:1–14

SOAP: Openbaring 11:12

Hulle hoor toe 'n harde stem uit die hemel vir hulle sê: “Kom op hierheen!” Toe het hulle in 'n wolk na die hemel toe opgevaar, en hulle vyande het dit gesien.

Oordenking

Gister het ons gelees van Jesus wat voor die dissipels se oë opgeneem is, en vandag lees ons van twee getuies wat voor die wêreld se oë opgeneem sal word. As gevolg van God se liefde en genade sal hierdie twee profete drie en ‘n half jaar deurbring om God se komende oordeel oor die wêreld te verkondig en om die nasies op te roep om te bekeer en na God te draai.

Na hul toegewese tyd verby is, sal God toelaat dat hulle oorval en doodgemaak word. Hulle liggame sal vir drie en ‘n half dae buite in die strate van Jerusalem gelos word vir die hele wêreld om te sien. Mense van elke stam, taal en nasie sal hul dooie liggame daar sien lê. Reuse feesvieringe sal regoor die wêreld plaasvind in reaksie op hul dood. Die feesvieringe sal egter nie lank duur nie. Na drie en ‘n half dae sal God hulle wonderbaarlik opwek met dieselfde krag wat Hy Jesus uit die graf laat opstaan het.

Ons sien uit ons teksverse vandag die uiterstes waartoe God sal gaan om ongelowiges tot bekering te roep. Ons sien dit vanaf die profete van die Ou Testament, deur die apostels in die Nuwe Testament, tot en met hierdie profete by die eindtye. Mense van alle stamme, tale, en nasies van die wêreld sal geen verskoning hê nie. God sal vir hulle tyd gee om te bekeer. Die oproep tot bekering deur die profete sal dwarsdeur die wêreld gehoor word, en tog sal talle mense aanhou om hul harte te verhard.

Gebed

Liewe Here, ons staan tyd af om te bid vir redding vir diegene in ons lewens wat hul harte verhard het teenoor u waarheid en verlossing. Ons staan stil en bid verlossing oor hul lewens af op hierdie oomblik. Gebruik ons asseblief, bemagtig ons, en vul ons met die Heilige Gees om getuies vir hulle te wees. Gebruik ons nou, op hierdie dag, tot u eer. Tot U weer kom, bid ons kom, Here Jesus, kom. Amen.