Soma Biblia Kila Siku Januari/2022Sample

Sura hii yote inahusu namna Isaka alivyompata mke wake. Ni masimulizi mazuri sana ya kupendeza. Hata katika hatua hii ya maisha ya Ibrahimu Mungu yumo. Tuendelee kujifunza kutokana na imani yake! 1. Kwa sababu ya imani alibarikiwa na Bwana katika vitu vyote (m.1, Bwana alikuwa amembariki Ibrahimu katika vitu vyote). 2. Kwa sababu ya imani alitaka mke wa Isaka awe mcha Mungu (m.3-4, Nitakuapisha kwa Bwana, Mungu wa mbingu, na Mungu wa nchi, kwamba hutamtwalia mwanangu mke katika binti za Wakanaani ambao nakaa kati yao; bali enenda hata nchi yangu, na kwa jamaa zangu, ukamtwalie mwanangu Isaka mke). 3. Kwa sababu ya imani, lazima Isaka abaki Kanaani, na mke wake ahame aje kwake (m.5-8, Ibrahimu akamwambia [yule mtumishi], Ujihadhari, usimrudishe mwanangu huko. Bwana, Mungu wa mbingu, aliyenitoa katika nyumba ya babangu, … aliniapia akisema, Nitawapa uzao wako nchi hii … yule mwanamke asipokubali kufuatana nawe, basi, utafunguliwa kiapo changu hiki; lakini usimrudishe mwanangu huko.). 4. Kwa sababu ya imani, mpango wa kumwoza Isaka ulifanikiwa sana (m.7, Yeye [Mungu] atampeleka malaika wake mbele yako, nawe utamtwalia mwanangu mke)!