Soma Biblia Kila Siku Januari/2022Sample

Sikukuu ya Epifania ina habari njema kwetu: Nuru yako imekuja. Yesu aliye nuru ya ulimwengu ametujilia. Tukitembea naye tutakuwa nuru ya ulimwengu, jinsi Mungu alivyokusudia. Ni kweli kwamba hali ya ulimwengu tunayoishi inazidi kuwa mbaya. Itakuwa mbaya zaidi tusipohubiri Injili, na watu wakamjua Mungu na kuacha maovu. Pale Injili itakapokubalika, hata hali ya uchumi itakuwa ya neema. Hivyo tuna kila sababu ya kufanya kazi ya Bwana kwa furaha na nguvu zaidi tukiongozwa na Roho Mtakatifu.